منتديات قبيلة المهيمزات الرسمي - هنا محاورة عايض وبدوي فاهم

[align=center][tabletext="width:100%;background-image:url('http://www.almohemzat-abs.com/vb/backgrounds/23.gif');border:1px solid green;"][cell="filter:;"][align=center]
تنسسيق المحاوره

بدوي فاهم

مفلح إداري وابن رهق مديره = والمشكله ف ابن نقاء وابن ثاري
اللي يحطون الصغيره كبيره = وإلانت ياعايض غبي ماانت داري

عايض الرشيدي

خل الخبر ياصل قناة الجزيره=وألعب على الحبلين بأمري جباري
أنته دخلت بسوق تجار ديره=لكن ضيعت السجل التجاري

بدوي فاهم

وين أنت غاير ياعساك المغيره = أدخل على الله لاتغير مساري
ماضاع لي لوكان حبة شعيره = أنا على الشعار شبيت ناري

عاايض الرشيدي

اسيول هذا العام صارت غزيره=الله يامنا تشيل الكباري
تجمعوا سادة شيوخ العشيره=وقالوا هدرنا دم شخص انتحاري

بدوي فاهم

ياالله عسى فأالامر خيرن وخيره = أكيد طاري لك ياعايض طواري
آحذ معك وأعطي بعقل وبصيره = ولاخذ ولاأعطي مع عيال الحواري

عايض الرشيدي

أحذر تدخل بالأمور الخطيره=بس انصح فليحان ينصح امكاري
لايصير من تحت الرحى المستديره=وايدوَن إسمه بالقرار الوزاري

بدوي فاهم

الحمل مايشتاله إلا بعيره = ماني مثل شرواك مفلس وعاري
بشر عسى ربعك لقولك جبيره = بعد أن كسرت بحرب ذات الصواري

عايض الرشيدي

إبليس ماخلا الشقي في مسيره=ان كان مايخفاك بعض المساري
ياشين قل لي وش تبي بالذخيره=وبلا ذخيره وش تبي بالسواري

بدوي فاهم

اللي مثل شرواك مايروح ديره = براسه مرض يبغى طبيب استشاري
الله ولامد الكفوف الفقيره = وإلا انت ياعايض على الفقر ضاري

عايض الرشيدي

مادام ابن برمان شره بطيره=يبي يشوف من المصايب عزاري
ياليت هذا الدرب دوّرت غيره=لكن منتف مع طريق الخكاري

بدوي فاهم

اللي سيوفه بالملاقاء شطيره = مايلتفت بمروجين الهذاري
عايض بتال الوقت واجه مصيره = ذرت عليه من الذواري ذواري

[/align][/cell][/tabletext][/align]