رد: فخامة ذوق لا أكثر #
 

عشت عمري بالمحبة في سبيل الاحتمال
وانتي تعيشين عمرك تفرحين وتجرحين

من غرورك في جمالك ما عطيتيني مجال
وأدري إنك تفهميني لو بغيتي تفهمين

كيف أشوف الشمس تشرق بالسما وانت ظلال ؟
ومن يعيش بوسط غارٍ للذياب الجايعين ؟

كنت أحسب الكره زايل والجفا لو طال زال
ولا بديتي بالغرام ولا بقى فيني حنين

أشهد إني ما خطيت ولا نويت الانعزال
وما خدعتك في غرامي لين شفتك تخدعين

اصدقي بالوعد مرة لي ولو فيها سؤال
من عرفتك ما أذكر إنك توعدين وتصدقين

رد: فخامة ذوق لا أكثر #
 

ياكثر ماني بغربتي شلت همك
انشد نجوم الليل من عقب فرقاك

عليك اخاف اكثر من ابوك وامك
والله ماتلغى مثل قلبي أغلاك

ماأرتاح انا من الوله لين اضمك
وأعلمك وشلون حالي بلياك

رد: فخامة ذوق لا أكثر #
 

مـن قـبـل لا اقابـلـك ماتعـشـق الــذات
ومن يوم شفتك / صادروني هل الغـي

وقطعـت مـن شانـك جمـيـع العـلاقـات
وطوتنـي الدنـيـا عـلـى طاعـتـك طــي

اعشـقـك واحـبـك واداريــك بـسـكـات
كثر الجروح اللي تجـي مـن يـدك فـي

ومـن كثـر حبـك لا لفـت مـنـك كـيّـات
اقــول لــك:- مسـمـوح واقـبـل الـكـي

رد: فخامة ذوق لا أكثر #
 

الحياه اللي تسمي لعبة الشاطر خطيه
ماتساوت في عيوني مع جناحين الذبابه

أذكر أني كنت عايش بالليال الاوليه
وأذكر أني كنت عايش وقتها باحضان غابه

ماعرفت إلا عبارة مثلها مثل الوصيه
عيش عمرك ذيب تسلم من مخاليب الذيابه

رد: فخامة ذوق لا أكثر #
 

لي قلب محد هز عرشه ولا جــاه
ومحــد تجرأ يطلــع في كـتــابه

كم مر من عـنده حـبايـب بدنــياه
وكم واحد ينثر لقلبي اعجــــــابه

لكن قلبي مـحد من الناس اغـراه
كل الوجوه اللـــي تمره تشابــه

الا واحــد كـــــل ما قلت بنــساه
احس له وحشـــة وقدر ومهــــابه

رد: فخامة ذوق لا أكثر #
 

والله اني لاموت ولاانحنى راسي
لو رماني زماني وسط..دوامه

العواصف شديده .. والجبل راسي
أنقل الحزن وامشي منتصب قامه

قاسي الوقت .. لكني بعد قاسي
واسمع الحلم يصرخ لحظه اعدامه

رابط الجاش ... ماهز الخبر باسي
عزتي غاليه ..والناس سوامه

رد: فخامة ذوق لا أكثر #
 

ياحبيبه وصوتك عندي الغالي
سولفي ... لعنبو هــمٍ يبكينا

انت اقصى مدى الهقوات والتالي
مالها حد شرهتنا وامانينا