![]() |
رد: بصمة الفكر على أختيار العقل
كانت ترعى الغنم معي وكنت صغير وكانت تؤصيني وتعلمني وتقص علي من القصص منها قبل توحيد المملكة أيام غزوا القبايل على بعضها .. ومنها قصص جحا يوم الحيوانات تكلم سأروي ماحفظته من القصص والقصايد والوصايا ( وكلمة أماحتك ).... |
رد: بصمة الفكر على أختيار العقل
رحلت جدتي يوم الثلاثاء 1434/2/19 عن عمر 107 عام 1327ــــــــ1434 كانت رحمها الله في كل يوم تدور على بيوت عيالها وتسأل عن الغائب والبعيد .. كانت تؤثر على نفسها ( عندما نتغداء وهي معنا لا تأكل إلا قليل تخاف إننا مانشبع ) أما أنا فربما كنت أكثر أحفادها قربا منها ومعها بحكم إنها ساكنه مع أبوي .. |
رد: بصمة الفكر على أختيار العقل
من وصايا جدتي رحمها الله : أسمع وأنا جدتك : الولد اللي فيه خير مايضحكون عليه الجذعان (العيال) يكون حي بكلامه أن جوه ضيوف يرحب ويهلي فيهم ويشب النار ويصلح القهوة ويذبح لهم .. وأن راح مع أجناب ( غير رشايدة) يصير صامت (مؤدب ثقيل) مايخابل ويتخطف (كثير الكلام والمزح) للسانة حصانه.. ولاكبر يروح يدور المراجل (الوظائف) وأن مسك وظيفة مايتركها يضحكون عليه الناس ، ويحفظ فلوسه مايخربط فيها ... والولد لاصار ردي خائب تعب لو أبوه طيب وإلا أمير لاشافوه الناس وإلا سمعوا طارئه قالوا: خائب تعب مافيه خير ماجاء الأبوه (مثل أبوه) والله أبو ونعم وإلا أهو والخيبه ... انتبه وأنا جدتك ........ الله يرحمها ويسكنها الجنه واحسن الله عزاك فيها هاذي الوصايا اللي تنشرى بالذهب يا زينهم ويازين اعلومهم مفلح المهيمزي |
رد: بصمة الفكر على أختيار العقل
من قصص جدتي رحمها الله :
ياوليدي من أول مافيه شعير قبل تطلع السيارات ولا جاء الصيف نروح نجمع الحشيش(العشب ) من الظلعان .. وكان المطر ماينقطع عنا إلا شهرين بالأكثير .. مالك الله تحمحم الديرة ويتصرم العشب إلا والخير جاينا .. والله يوليدي إنا أول ماشفنا السيارة إنا تهولنا منها وقلنا وش هالحديدة .. |
رد: بصمة الفكر على أختيار العقل
بعض الأبيات التي كانت جدتي رحمها الله ترددها وخاصة مع الأطفال
الصغيّر مجل الهموم /// ماشاف شمسٍ ولا أونس سموم ــــــــــــــــــــــــــــــــــــــــــــــــــ ـــــــــــــــــــــــــــــــــــــــ وأنا وأنت مانعرض على النار // من الخيرين المؤمنيني ــــــــــــــــــــــــــــــــــــــــــــــــــ ـــــــــــــــــــــــــــــ راع المعزى الحو الربد أخذ قلبي وشتواه مابقت لي غير الكبد وأن بغاها من فداه |
رد: بصمة الفكر على أختيار العقل
لاضآق صدرك.. وامتلى عينك دموع
وقام الحزن.. يكبر ويتعب خيالك اقرب من.. المصحف إذا العالم خشوع والله ..[يفرجها عليك بصلاتك من مدونة :مشاعر |
رد: بصمة الفكر على أختيار العقل
لولا الظنون الطيبه مات الاحساس .... ولولا .. التسامح ,, بالحياة .. انقرضنا ولولا الامل تهنا على سكة الياس .... ولولا .. مخاسير ,, الزمن .. ماتعضنا |
الساعة الآن 12:23 AM |
Powered by vBulletin® Copyright ©2000 - 2024, Jelsoft Enterprises Ltd. Supported By Noc-Host