قالوا لو إنا عندنا متملكه دائم نجيب=شعرا مثل شعرك يبى يبقى على طول الزمان
ونطب فيه الساحة اللي واقفٍ فيها الرقيب=مع بابها مايدخل إلا من أحزامه فيه أمان
الساحة اللي مايجيب الجزل فيها لو يصيب=قصائدة لو جابها ماهي من الصيد السمان
اللي ماهي مثل الدرر يبي عن الساحة يغيب=في معركتها مايفوز إلا من سلاحه ضمان
إليا احتمى فيها الوطيس يبيّن الجزل اللبيب=من فكرته الختارها وفنه تشوف له المعان
قصيدته لا قالها مثل الرصاص اللي يصيب=يذيع صيت الشاعر من الشعر ويصير إله شأن
ماكنه إلا الغازي اللي ينتظرّ ماذا يجيب=علّم على ذب الخرائم وصّعايب ورهان
مايخسره بالمعرفة والطيب والرأي الصويب =عقله هو الميزان للكلمة قبل تصل اللسان
وفكره رقى فوق الغمام ونظرته ماهي قريب=أدنى طموحه معلّقة تبقى مثل ضلعان أبان
من القصيد اللي يخلد صاحبه بعد المغيب=كأنه صدى صوته عقب موته مع العربان بان
وأنا معي في محزمي مثله من الشعر العذيب=مايطرب الأسماع كلماته من نجوم العنان
لا شفتها في حلّكة الديجور منظرها عجيب=وأنت فيافي خضر كاسيها النفل القحويان
تمتعك في تلّحينها وذوق منها مايطيب=ودليلها لقيتها بقلوب ناس إلها مكان
إلها من التأثير بالأفكار أشد من الحبيب=ترفع همم وتحمس الشاعر ولا فيها طمان
ويبقى جزيل الشعر لشاعر كلامٍ مايغيب= راع المعان الساميه إلي يمجده البيان

اقتباس:
المشاركة الأصلية كتبت بواسطة البحر الصامت http://www.almohemzat-abs.com/vb/mhi...s/viewpost.gif
صح الله لسانك قصيدة جزله من شاعر جزل


صح بدنك ولا عليك زود مرورك يسرني