منتديات قبيلة المهيمزات الرسمي - قصيدة الشاعر عيد بن مربح مسندها الى مساعد الرشيدي بصوت عيد ورد الزعيم عليها

منتديات قبيلة المهيمزات الرسمي (http://www.almohemzat-abs.com/vb/index.php)

- ◄ منتدى عيون الشــعر ► (http://www.almohemzat-abs.com/vb/forumdisplay.php?f=35)

قصيدة الشاعر عيد بن مربح مسندها الى مساعد الرشيدي بصوت عيد ورد الزعيم عليها

وجه الشاعر الكبير / عيد بن مربح الرشيدي قصيده للزعيم الشاعر / مساعد الرشيدي

قصيدة الشاعر عيد مربح ابو غريب
بالصوت على هذا الرابط

http://v5p.net/dldwij32785.3gp.html

وبالنص

وقت رجم الشقا من عرض من واق فيه ----وسبقوني علـى متنـه قـروم العيـال
بين نمة حسود وبيـن هـذرة سفيـه----اتّكالي علـى المحيـي عزيـز الجـلال
الوفاء ماشـيٍ بـه والـردى محتريـه----حسبي الله على الهقوه ومكـر الرجـال
والخطاب المبطّـن والسـؤال الوجيـه----كلبوهن لهـن مغـزى وجملـه تقـال
ومجلـسٍ مايقـدّر خطوتـك لاتجـيـه----حط بينـك وبينـه بـرزخ الأعتـزال
روّض النفس وأردعها عن اللي تبيـه----وكان طاوعتها غنـت علـى ليـل لال
وأعطها فرصه المسجـون لمزاوريـه----ودفها دفـة الطاغـي لمستـور حـال
قبل تفهم غلـط معنـاي عـرّج عليـه----بكره النفس تسأل عن حـرام وحـلال
يامساعد ربيع يابو فيصـل ياهييييييـه----خذ عن الوضع نبـذة ياكريـم السبـال
ياولد مـن تمـد الجـود راحـة يديـه----ياغصن دوحةٍ يلقـى تحتهـا الظـلال
مستحيجٍ ريال ووسـط جيبـي جنيـه----ولازم أصرف جنيه لحاجتـي بالريـال
أتخذت القـرار الصعـب ماقلـت ليـه----شيٍ أكبر مـن الواقـع وحلـم الخيـال
المهـم أرتكيـت بمرقـبٍ كنـت أبيـه----رغم طعن الزمان وضحكـة الأحتيـال
وأي طيب نزيـه أنـا خويـه وأخيـه----لين حمر النثايل فـوق قبـري تهـال

رد الزعيم الشاعر الكبير/ مساعد الرشيدي

شرف الرجم (عيد) وجابن العيد فيـه----مرهفات الهجوس ومفحمات الخيـال
وأنصرم مثل (نوٍ) عاقـدٍ حاجبيـه----لين هلهـل عثاكيـل برديـه وسـال
أقبل البرق قبلـه والرعـد مقتفيـه----والسعد من يمينه والفخر من شمـال
كنه اللـي تغافلنـي وأنـا محتريـه----من مغيب الهلال ليا طلـوع الهـلال
لين قام يتصافق مـن حديـه لحديـه----قلت هذا (ولد مربـح) بليـا جـدال
أثر مافيـه لا حيلـه ولا لـه شبيـه----مير يامرحبا به يـوم نـادى وقـال
(يامساعد ربيع يابو فيصـل ياهيـه)----عد مانسنس الغربي وشعشع ظـلال
شاعر ضيق الفرصة على منافسيـه----كم كتب بيت شعر وصار مضرب مثال
كل ماهو لديهـم بعـض ممـا لديـه----أن بغوها حميـا وأن بغوهـا عـدال
وصاحبٍ عند وقت اللازمه محتسيـه----يوم مال الثقـال إلا ظهـور الجمـال
كاربـات عزومـه فتٌـل ساعـديـه----مرتوي عز نفس وممتلي طيب فـال
كل عبسي يعرف أفعال جـده وأبيـه----مثل نارٍ لها في راس (أبان) آشتعـال
كنه الجدي في ليل السـري نهتديه----وكنه المارد العـذب القـراح الـزلال
يارفيـق لفانـي منـه شعـر عليـه----ختم جودة (قلادان) الظفـر ماتـزال
شعر شامـخ معانـي فـاردٍ منكبيـه----كامل أوصاف بأمر الله عزيز الكمـال
خل صدرك على الضيقات خبت نفيه----لا يجي للحسوفه في حياتـك مجـال
ماش عذر وجيـه لبارديـن الوجيـه----باهتيـن الحميـا قاصريـن الحبـال
مايعكر مزاجـك غيـر رجـل مليـه----مايسد بلـزوم ولا يعـز ،، بوصـال
أحقره حقـرة العالـه علـى والديـه----وسط مجلس تمركو به زحول الرجال
لا تطيل النظر في كـل وجـه كريـه----وحط في كل عينٍ مـا تـودك خـلال
أما أنـا يارفيقـي موقفـي محتميـه----في جميع الظروف وفي جميع الحوال
لا توصي حريص ولا تفطـن نبيـه----مـدرك للأمـور وحاسـب للهبـال
ماتزحزحت شعره عن مـرامٍ نزيـه----آتساهله لو شافـوه صعـب المنـال
منتهى المجد عمـر بالوفـا تبتديـه----ومنتهى الذل من حط الردي راس مال
لا أنقطع حس (عيد) ولا عدمنا وحيه----يوم غنا بعذبـات الطـروق الجـزال
وبعد ماتوج أمجـاد القلـم بأصبعيـه----ذا مردي ،، وهذي غترتي والعقـال