طاروق جديد وناري
 

السلام عليكم ورحمة الله وبركاته
انقل اليكم محاورة الشاعر حجاج المهيمزي ومؤسس منتديات ابانات الشاعر سلمان المظيبري

حجاج المهيمزي
سلام من صدرٍ هجوسه تدحم فيه البيوت=مثل ادحام ضيوف مكه بالطواف وبالسعي
سلمان حصل فرصةٍ توخذ ولايمكن تفوت=الله يعز الليله اللي خلته يلعب معي

سلمان المظيبري
يامرحبا ترحيبة تبقى صدى من بعد صوت= للمسلم اللى لاوقف قدام ربه يدعى
ياشينكم يالابسين الثوب من فوق البشوت=الله لنا يالميت اللى لاصياح ولا نعى

حجاج المهيمزي
دام البقى والبحر يارجال في داخله حوت=والنار تالع من شراره ياشراره ولعي
ياشينكم ياتاركين الزرع لين انه يموت=وتدورون العشب لاغطى على الارض الرعي

سلمان المظيبري
لقيت لى قوم على البحر الحمر فالجيلبوت= وانا ماحب اللى يدورغير طبى واسنعى
ان كنت تاعى ماتقول اخبرهلك فى حضرموت=ترى هلك فيماتقوله من بدايتها تعى

حجاج المهيمزي
لقيت لي قومٍ على وقت السعه تلعب بلوت=وانا احمد الله عارفٍ وش مدخلي من مطلعي
انته تضلل لك تحت غصنٍ مهشم ومحتوت=وانا الغصون اللي بدون اوراق ماهي مطمع

سلمان المظيبري
اجلس مع اللى يلعبون بصف لكن لاتشوت= واليا سعيت ابشر بمن يعطيك مقدار السعى
ابيوتنا تعرف قبل نص العرب تبنى البيوت=على ليان العظم ما اوجه قذيفة مدفعى

حجاج المهيمزي
انا اشهدنه مايفيد اليوم توظيب الفروت=يالاصمع اللي مابيوتك من بيوت الاصمعي
اقوللك يازين عن بعض الخثاريق السكوت=اما التزم بالصمت والا عينك وراس اصبعي

ارجو ان تنال استحسانكم

رد: طاروق جديد وناري
 

رد: طاروق جديد وناري
 

صح السان الشاعرين

رد: طاروق جديد وناري
 

بيض الله وجهك ياشاعرنا ناصر على التنسيق والله لايهينك

دمت بود

رد: طاروق جديد وناري
 

حلوة مرة مرة مرة

رد: طاروق جديد وناري
 

صح السنتكم شعارنا ...طاروق مميز ماشاءالله.

كل الشكر لكم ودمتم باحسن حال..

رد: طاروق جديد وناري
 

صح لسان الشاعرين ويعطيك العافيه ابوسليمان على النقل

رد: طاروق جديد وناري
 

سلمان المظيبري
لقيت لى قوم على البحر الحمر فالجيلبوت= وانا ماحب اللى يدورغير طبى واسنعى

هنا الاكتمال وهنا الفره القدمه

رد: طاروق جديد وناري
 

رد: طاروق جديد وناري
 

رد: طاروق جديد وناري
 

صحت السنتكم شعرااء من الطرااز الثقيل