منتديات قبيلة المهيمزات الرسمي

منتديات قبيلة المهيمزات الرسمي (http://www.almohemzat-abs.com/vb/index.php)
-   ◄ منتدى الشــعر الشعبي ► (http://www.almohemzat-abs.com/vb/forumdisplay.php?f=36)
-   -   محمد اخو عبده ومجارات الشامري والعمدة (http://www.almohemzat-abs.com/vb/showthread.php?t=17636)

خاتم الرشيدي 16-Oct-2011 12:33 PM

محمد اخو عبده ومجارات الشامري والعمدة
 
السلام عليكم ورحمة الله وبركاته
تم تنسيق قصيدة محمد أخو عبده
ومجارات احمد الشامري
والعمده
وهي كتالي:
محمد اخو عبده

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
باحت سدود مدفنين الضغينه = برملت قلوب(ن) سود من كثر الاحقاد
وكلن على ماقيل بيح كنينه =وبانت دعاويهم على روس الاشهاد
الحقد ميراث القلوب اللعينه =والظاهر ان الحقد ميراث الاجداد
توارثوه اهل النوايا المشينه =وتضاهرو ضدي جماعات وفراد
الكل منهم سل سيف ابيمينه =صارو من الحقاد لشعر نقاد
تطاولوني بالرماح السنينه =وانا ادري اشعار الحواسيد الايباد
ولاجنن المجنون جنن جنينه =يدرون من صدر هذا العلم وراد
ودرو خلقت ولي اجنوب(ن)متينه =ادحم بها الاخصام وضد الاضداد
لو الهواء غير لمجرى السفينه =انا جمل ماهمه ابجلده اقراد
ثابت وذا عمري عطني اسنينه =لعيد مجد(ن) راح من ضمن الامجاد
ولحيي عضام(ن) في ثراها دفينه =تعيش بين الناس لومالها اجساد[/poem]

احمد الشامري

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

عز الكلام وضاق صدر السكينة=وأشفيت غل اللي على سرج وشداد

يالشاعر اللي سلم الله يمينه=صدر ضعن غيرك عقب جيت وراد

شكواك من جور الزمان لعوينه=فرصة خصيم وصادفت كبوة جواد

العلم؟ هذا العلم يا سامعينه=إن كان للي ياصل السمع رداد

عبر الأثير لمن سكن بالمدينة=واللي من الأعراب نازل وشداد

أرسل صداه ولا تبيح كنينه=وإستقبلت حس النداء جموع وأفراد

بصمة شجاع ما حنث في يمينه=يزداد من طعناته إصرار وعناد

لو ضاق من دمع القهر جفن عينه=ما يطلب الرحمة من يدين جلاد

الصوت هذا إلنا زمن فاقدينه=يا خيرة الأحفاد من خير الأجداد

وإن كان مثلك مأنصفنه سنينه=إشتك لإبن عمار ظلم إبن شداد

وتدري يأخو عبده وش أكبر غبينه؟=لا بح صوتك ما نشد عنك نشاد

وألا أنت بيديك الرهايا رهينه=وشهادة الطالب وش تفيد الاستاد؟

[/poem]

العمدة

[poem=font="simplified arabic,6,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

ماج البحر واغرق شراع السفينه=فاجأ السواحل واعجز اقمارالارصاد

خلا قعود الخلج يزعج حنينه=واقعد حنينه قاطن الضلع من غاد

حض البخيت وما كتب في جبينه=لو طال عمره واتلف الحال ما زاد

ذي مفترق طرق الرموز الفطينه= واول محطة وصل لاحلام الاوغاد

أما شمال الدرب وألا يمينه= ماطى خُطا الماشي على اثلاث الابعاد

وألا عبر جسر المواصل قطينه=وارتاح بال موفق الراي وانقاد

اما انت يااحمد ويش بينك وبينه؟= وحصونك اضعف من تماثيل الالحاد

خدك روا وبل الدموع الحزينه= ويديك مفتول ٍ لها اهجار وقياد

ما افسد عليك الدهر مثل الظغينه= في نظرتك للصدق في هرج الاجواد

الليث تخشى جيته في عرينه= يوم ان جمع غليص لامد ما عاد

احصد ثمر زرعه وقوم هجينه=واجمع شتات الحب في سوق بغداد

وبعدين تنصفك الليال الظنينه= يلحق جوادك سبقها لآخر الماد

[/poem]

احمد الشامري


[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

دنيا الفنى يا عمدة الشعر زينه=وتكاثرن بالمال والا بالاولاد

ما بيننا اكبر من خفايا دفينه=وابخس من خشاش الفلاحة لحصاد

مترجمين الفلم ومدبلجينه=والعرض ما يلزم له متون واسناد

كلن من طحينه يسوي عجينه=ويحط في زوادة أصحابه الزاد

وفطانة الشاعر عمى محللينه=وصدى حساسه جلجلة خيل وعتاد

ونفس حرمها الله نزول السكينة=وش عاد يفرق دمها عن عرب عاد

لو انها ما بين فينه وفينه=فكوا من الأصفاد ردوا للأصفاد

ماهي بدورات الليالي مكينه=ولا دمها لمطارد الثأر سداد

سمي على العباس بأجمل مدينة=عهد تغنى به من الفرس عرباد

لو يتخذ من دين الاعراب دينه=من شرذمة هارون و أوباش الاكراد

من زلة لسانه لقطعت وتينه=نعن له من صفوة جيادنا جياد

فيهن من الجلفة ملامح وعينه=وملزهن من قاع رخة اليا كباد

وان كان ناصر ما يناجي قرينه=حطوا على تاريخه الحافل حداد

وشوفوا على عودن يقنه حنينه=ملامح فيها من الاعياء والاجهاد

أوخط شعر رأسه وخطت يدينه=ما بين مستغرب وما بين معتاد

يخدع بضحكات الرخاء معايشينه=وان يبست الأرياق عود للإبعاد

لا حصل الفرصة على مناصرينه=اصبح عليه الصبح مع نزل الاضداد

يا شين لفقات الزمان ويا شينه=انهاه عن طبعه و ياخذ ويزداد

يحط هزلات الخوافي سمينه=وتحطها عيون العرب عمد واوتاد

لو بيننا حبال الصداقة متينة=جبتهن ايدينا بذربات وحداد

والعلم باقي في ذرى محتمينه=اكبر من الشرهة على عقول الاوغاد

واللي صبغ بالظن جيمه وسينه=وش ناتجه من طايل العمر لو زاد

قله ليا منه جزع من سنينه=ما ضاع حق ومن ورى الحق طراد.

[/poem]

معيبد الرشيدي 16-Oct-2011 12:42 PM

رد: محمد اخو عبده ومجارات الشامري والعمدة
 
صحت ألسنتهم على هذه القصائد الرائعة .

جزيل الشكر لك أخوي خاتم على التنسيق لا هنت .

تحياتي .
:oo5o.com (25):

ريتاج 16-Oct-2011 12:44 PM

رد: محمد اخو عبده ومجارات الشامري والعمدة
 
صحة السنتهم جميعااا
شعار مبدعين لله درهم
والف شكر أخوي خاتم على التنسيق الرائع
تقديري

مفلح المهيمزي 16-Oct-2011 01:09 PM

رد: محمد اخو عبده ومجارات الشامري والعمدة
 
صحت السنتهم جميعا
وشكرا لك خاتم على التنسيق

ابوعوض المهيمزي 16-Oct-2011 01:54 PM

رد: محمد اخو عبده ومجارات الشامري والعمدة
 
صحت ألسنتهم على هذه القصائد الرائعة .

جزيل الشكر لك أخوي خاتم على التنسيق لا هنت .

تحياتي .
http://www.almohemzat-abs.com/vb/ima...com%20(25).gif

سلمان البلقان 16-Oct-2011 02:24 PM

رد: محمد اخو عبده ومجارات الشامري والعمدة
 
صحت السنتهم


ويعطيك العافية خاتم على التنسيق

اسير البوح 16-Oct-2011 02:32 PM

رد: محمد اخو عبده ومجارات الشامري والعمدة
 
صح الله لسان الشعار

شعار كبار

خالص الود والاحترام لك ياخاتم

معلم فكر 16-Oct-2011 03:07 PM

رد: محمد اخو عبده ومجارات الشامري والعمدة
 
يعطيك العافيه على الطرح الرااااائع

سلمان العضيله 16-Oct-2011 03:44 PM

رد: محمد اخو عبده ومجارات الشامري والعمدة
 
صحت ألسنتهم على هذه القصائد الرائعة .

جزيل الشكر لك أخوي خاتم على التنسيق لا هنت .

ابن الشايب 16-Oct-2011 04:17 PM

رد: محمد اخو عبده ومجارات الشامري والعمدة
 
صح لسان قايلها وتسلم يمين ناقلها


دمتم بود

جابر المهيمزي 16-Oct-2011 05:12 PM

رد: محمد اخو عبده ومجارات الشامري والعمدة
 
قصيد جزلة ومجاراة موفقه

تراتيل القدر 16-Oct-2011 06:31 PM

رد: محمد اخو عبده ومجارات الشامري والعمدة
 
شعرا مبدعين
بيض الله وجيهم
يعطيك العافيه على التنسيق

عواد الطويحين 16-Oct-2011 06:48 PM

رد: محمد اخو عبده ومجارات الشامري والعمدة
 
صح الله السنتهم جميعآ شعراونا
يعطيك الف عافيه اخوي خاتم على التنسيق الجميل
تقبل مروري ودمت بخير وعافيه

ابوعلي المهيمزي 16-Oct-2011 07:16 PM

رد: محمد اخو عبده ومجارات الشامري والعمدة
 
صحت ألسنتهم على هذه القصائد الرائعة .

جزيل الشكر لك أخوي خاتم على التنسيق لا هنت

العمدة 16-Oct-2011 09:29 PM

رد: محمد اخو عبده ومجارات الشامري والعمدة
 
ياسلام عليك يا خاتم
اشكرك طال عمرك

بنت رجال 16-Oct-2011 09:31 PM

رد: محمد اخو عبده ومجارات الشامري والعمدة
 
..صح السنتهم ..شعار مميزين ..

ابو عبدالرحمن،،،،كل الشكر لك اخوي على التنسيق ..


دمت باحسن حال يارب

المطوع 16-Oct-2011 10:24 PM

رد: محمد اخو عبده ومجارات الشامري والعمدة
 
ثابت وذا عمـري عطنـي اسنينـهلعيد مجد(ن) راح من ضمن الامجـاد
ولحيي عضام(ن) في ثراهـا دفينـهتعيش بين النـاس لومالهـا اجسـاد
مبدعين الله يعطيك العافيه
مشكووور يابوعدالحمن على النقل

خاتم الرشيدي 19-Oct-2011 01:26 PM

رد: محمد اخو عبده ومجارات الشامري والعمدة
 
اشكركم جميع على تواجدكم ومشاركاتكم بتعليقاتكم المميزه

فهد المعيوفي 02-Feb-2013 10:44 AM

رد: محمد اخو عبده ومجارات الشامري والعمدة
 
صح لسانك ومشكور اخوي على القصيده الرائعه..


الساعة الآن 01:03 PM

Powered by vBulletin® Copyright ©2000 - 2025, Jelsoft Enterprises Ltd. Supported By Noc-Host

Ads Management Version 3.0.1 by Saeed Al-Atwi

HêĽм √ 3.1 BY: ! ωαнαм ! © 2010