|
زوجه تعترض بأن يكون ڵزوجها واتس اب...
السلام عليكم ورحمة الله وبركاته قصيـــدة زوجه تعترض بأن يكون ڵزوجها واتس اب من غيرتها الشديده له http://www.5ymah.net/fm/images/smilies/11xing.gif فقــالت والله وأنا بنت الرجال المشاكيل ماتحط الواتس اب ياعبيد عندي ماني مثل باقي الحريم المهابيل رجالـها لآراح مــرواح جدي (نوكيا) ماعذرب كثير الرياجيل ألو تكفي كان تبغێ مـــردي ماتنفع المــوضه وكثر الأقاويل وش فادة الموضه جدك وجدي ياعبيد ذي والله سوات المهابيل وان مانفع قولي طلاقي بيدي *والله وأَنٌـ»ـآإ بنت الرجال المشاكيل ماتشغل الواتس اب ياعبيد عندي |
رد: زوجه تعترض بأن يكون ڵزوجها واتس اب...
ريتاج حبيبتي ماشفتي رد الزوج عليها ...
بعد اذنك طبعا بطرحهـ:) هذا رده ماسكت الرجال عليها،، والله وانا عبيد راعي المعاميل لانزل الواتس اب وانتي بحدي ماهمني وان قيل عنا مهابيل هذاتطور وانتي يابنت هدي نوكيا ماضي والطور الجيل امشي مع الاي فون كني افندي دايم يونسني مع تالي الليل وقصر علي صوته وجيبه لخدي لاصرت جالس والبشر دمها ثقيل عودت للي يوم ما صار ضدي اضحك معه ويجر عندي مواويل ويوصل الاخبار لحد عندي *تطوري ودشي مع تالي الجيل وخلي السوالف لا تزيد التحدي <== واصلا الزوج لو براسه شي بيسويه معه ايفون والا الرهيب وبعدين وين عقلها تطلب الطلاق عشان جوال خخخخ قصيدة حلوة ومنسقة جد اعجبتني بالحيل وضحكتني بنفس الوقت،، واصلا الواتس مافيه شي يعني اقل شي هاللي مضافين عندك ارقام انت عارفها :) بس نصيحة لها تشترط عليه بدل الطلاق يجيب لها ايفون مثله :) ريتاج،، يسلمو ع الاختيار الذوووق ربي يسعدك ويديمك بااحسن حال يارب ،، |
رد: زوجه تعترض بأن يكون ڵزوجها واتس اب...
مساجله راااااائعة
بين الزوج وزوجته ريتاج لك الشكر بنت رجال كذلك لك الشكر صح لسان عبيد وزوجته |
رد: زوجه تعترض بأن يكون ڵزوجها واتس اب...
مشكوره ريتاج على الطرح
وشكور موصول لبنت رجال تحياتي |
رد: زوجه تعترض بأن يكون ڵزوجها واتس اب...
قصيدتان رائعتان ريتاج بنت رجال يعطيكم العافيه على النقل
|
رد: زوجه تعترض بأن يكون ڵزوجها واتس اب...
ريتاج صح السانها ولسانك
بنت رجال صح عليك اعجبني رده >>>>>>>>>>>ايه لو مارد عليها كان رديت نيابه عنه هههههههههه يعطيك العافيه ريتاج وبنت رجال ع الاضافه |
رد: زوجه تعترض بأن يكون ڵزوجها واتس اب...
قصيدتان رائعتان ريتاج بنت رجال يعطيكم العافيه على الانتقاء |
رد: زوجه تعترض بأن يكون ڵزوجها واتس اب...
صح لسان الشاعرين وكفوا يابو عبدالرحمن نويت ترد عليها هههههههههههههه
|
رد: زوجه تعترض بأن يكون ڵزوجها واتس اب...
صح لسانك ومشكور اخوي على هذي الابيات.
|
| الساعة الآن 02:03 AM |
Powered by vBulletin® Copyright ©2000 - 2025, Jelsoft Enterprises Ltd. Supported By Noc-Host