منتديات قبيلة المهيمزات الرسمي - الشاعر معيبد انهى تسجيل شيلة منقية محمد ناصر المهيمزي

منتديات قبيلة المهيمزات الرسمي (http://www.almohemzat-abs.com/vb/index.php)

- ◄ أخبار القبيلة في الوطن العربي ► (http://www.almohemzat-abs.com/vb/forumdisplay.php?f=93)

الشاعر معيبد انهى تسجيل شيلة منقية محمد ناصر المهيمزي

بسم الله الرحمن الرحيم
اعضاء وزوار موقع قبيلة المهيمزات
السلام عليكم ورحمة الله وبركاته
انهى الشاعر الكبير معيبد شعبان المهيمزي
يوم الثلاثاء 18/1/1433هـ
من تسجيل شيلة منقية الشيخ محمد بن ناصر الشهري المهيمزي
المشاركة في مزاين ام رقيبة لهذا العام فئة 100 مغاتير
وكان تسجيل الشيله في قناة الصحراء في الرياض
بلحن جميل جدآ
من كلمات وأداء الشاعر / معيبد المهيمزي

بمزاين أم رقيبة البل لها ميعاد ** تحسب لموعدها هل البل و تنصاها
عاش الأمير اللي تكرم و جاد و زاد ** و الجايزة باسم المؤسس تبناها
مشعل حفظ ورث ٍ وراثة من الأجداد ** قيمة عطايا الله رفعها و علاها
جرد الرقاب أفواجها ما لها عداد ** كل ٍ مع إبله و يتفاخر بملفاها
بمقدمتهن ذود من خيرة الأذواد ** أطيب مزايين ٍ تنومس مزاياها
من دار أخو مريم مشت دربها منقاد ** و ديار أخو نورة هواها و منصاها
وضح ٍ حماها الله من مشاهد الحساد ** نوادر ٍ بالبل قليلة حلاياها
سند الغوارب ما نقد زينها نقاد ** فج النحور يهيض القلب ممشاها
معها كحيلان الفحل و ان نشد نشاد ** قلنا بناته كل عين ٍ تمناها
وضح ٍ تزود و لا على زودها زواد ** مثل الزعيمة خاسر ٍ من تحداها
ملك ٍ لمن بالطيب تشهد له الأشهاد ** اللي نواميسه مع الناس طرياها
محمد الشهري لكسب الفخر معتاد ** مهيمزي ٍ قمة المجد عداها
من لابة ٍ ما يجحد أفعالها جحاد ** وسّامة الكفّة ذرى من تذراها
بني رشيد اهل الوفاء و أهل الأمجاد ** العزوة اللي من بني عبس مجناها
حنا هل البل من قبل عصر ابن شداد ** أصل السلالات النوادر حفظناها
كم من عدود ٍ ما ورد جمها وراد ** محمية ٍ عن كل من يطمع بماها
على النقا و العز جينا لها وراد ** سقنا عطايا الله و منها سقيناها
تمشي بعز و لا نطح دربها رداد ** ما فيه شي ٍ يعترضها و ينحاها
من دون حلوات اللبن نلطم الأضداد ** كم شيخ قوم ٍ طاح راسه بمفلاها
و اليوم وقت الجاهلية مضى لا عاد ** ننعم بخيرات ٍ من الرب حسناها
عم الرخا و الأمن بأرض الجزيرة ساد ** في ظل حكام ٍ على الحق مبداها

http://www8.0zz0.com/2011/12/13/14/437290799.jpg