|
ماكل مطرود ملحوق
أعضاء وزوار منتدى المهيمزات أسعدكم الله كل حين اقدم لكم هذه القصيدة التي فيها شيء من المعارضة والتصحيح أن جاز التعبير على المثل ( كل مطرود ملحوق ) المثل معروف هوكلام قيل في مناسبة أو قصة وقعت ويتمثّل به للتعبير عن كلّ حالة تشبه المناسبة التيقيل فيها وهذا المثل يُضرب عندما يكون هناك تسرع من شخص للحصول على شيء ما. لذلك أرى أن فيه عدم صحه ولو قال ( كم مطرود ملحوق ) لصح الأمثل وماينطبق عليه وكذلك أضيف عليه (هذا الصحيح ..... ) وخاصة في موال شعر القلطه وأغلب مايقال غير صحيح ولاينطبق عليه المثل ! لذلك قلت هذه القصيدة اتمنى أن تحوز على رضاكم [poem=font="simplified arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] ماهو صحيح أن كل مطرود ملحوق = مقولتٍ كذوبها من بداها أشهر مثل وهمي ولا زال بالسوق = والناس رددته وهو ما يغواها وأنا أقول العلم وقدم وثوق = مبينه اللناس وهي وهواها اسوق دلايل كلامي لكم سوق = حقائقٍ يدري بها من قراها عن بعض مايطرد من أيات مخلوق = راحت على طرادها اللي بغاها كم قصةٍ تروى عن إنسان موثوق= لو لحقه اللي يطرده مارواها وكم من دخيلا يزبن أعداه مخنوق= والقوم لو دخيلها من عداها إليا دخل ينجى من اللي له الحوق = لو طارده منها ومنه يحماها وكم طير صقارا ما ردنه اسبوق = عن أرض موميله غداء مع سماها وكم روح مهرب وطراده يسوق = وضاعت حقوق لناس تطرد وراها أصحابها تطرد وتطّرد بلا حقوق = وحقوقها معروفٍ اللي خذاها ومن المحبة مات عاشق ومعشوق = وكم واحدا ما حصل من اهتواها هذا الصحيح وكم مطرود ملحوق = برهنت لك صوابها من خطاها يآخذ من الحكمه والأمثال مايلوق = والناس لا يمكن احقق رضاها وأنا أحمد اللي معتلي بالسماء فوق = محقق النفسي بعض من مناها بأمره جعل نفسي على القمة التوق= النادرات من الجزائل هواها وأعرف أحشمها لونه بمنطوق = وبصبر والأخلاق في مبتغاها وعن الكلام اليا غداء كله أخثوق = بصمت أرفع قدرها ومستواها وبأخلاقي اتعامل مع أيات مخلوق = وضعوف الأنفس ماني من أخوياها وعن كل ثرثار وخبل وأهل البوق = وأشباههم رجلي مقصر خطاها أخاوي رجالٍ لهم بالوفاء بروق = الدسم يديها وتكرم الحاها واحرص على راعي كرم حسن منطوق = من الرجال اللي يذري ذراها الطيب بأفعاله وبعلومه الشوق = وأخلاقه ونفسه بعيدا مداها معروف في صدقه وللسر صندوق = وكم من خوياٍ خوته مانساها والي ماهو صحيح لو كان له ذوق = الناس تمرض غيرها من أدواها ناسا تعين و الناس لا والله تعوق = وحساد خلق الله حسدها بلاها أجناس ناس و كل ناسا بها فروق = والبئر يعرف سرها من غطاها ولاهوالصحيح أن كل مطرود ملحوق = إلا النفوس الموت لا جاء خذاها [/poem] المتعمق |
رد: ماكل مطرود ملحوق
وأنا أحمد اللي معتلي بالسماء فوق = محقق النفسي بعض من مناها
بأمره جعل نفسي على القمة التوق= النادرات من الجزائل هواها الله الله صحح لسااانك مليوون يا بوسعووود جزل جزل و وفيت و كفيت مبدددع و استمرررر تقديري ..:) |
رد: ماكل مطرود ملحوق
صح لسااااانك ....
قصيده جزله .... و اعجبني شرحك للمثل ... اعتبرها معلومه جديده ... لا عدمناااااك يا أبو سعود ... تحياااااااتي لك ... |
رد: ماكل مطرود ملحوق
مشكورين مروركم وحده يسرني ويسعدني
|
رد: ماكل مطرود ملحوق
كـــم قـصــةٍ تـــروى عـــن إنــســان مــوثــوق=لـــــــو لــحـــقـــه الــــلــــي يــــطــــرده مــــارواهــــا الله الله صح السانك ملايين اخوي المتعمق على هذه المعلقه ابداااع بما تعنيه الكلمه والف نعم فيك وفي اخلاقك وشعرك كفو والله يا بو سعود نعم ليس كل مطرود ملحوق واذا فيه اعتراض يردون عليك شعراء المحاوره ههههه يستحق التميز |
رد: ماكل مطرود ملحوق
صح الله لسانك وبيض الله وجهك على هالقصيدة
وتقبل مروري ياخوي المتعمق وشكرآ لك |
رد: ماكل مطرود ملحوق
صح بدنك ورفع قدرك أبو أحمد وبيض الله وجهك على كل اللي سويته من تنسيق وتمييز وإشادة |
رد: ماكل مطرود ملحوق
صح السانك ابيات رائعه لا هنت
تحياااتي لسسموك اخي المتعمق.. |
رد: ماكل مطرود ملحوق
اخوي المتعمق صدق انك متعمق
صح الله السانك واعتلى شانك وسلمت بنانك وبيض الله وجهك على ماتقدمه وعلى حسن اخلاقك لك مني كل الشكر والتقدير |
رد: ماكل مطرود ملحوق
صح السانك يالمتعمق قصيدة جزله
ذكرتني : شابت الحانا مالحقنا هوانا ...... |
رد: ماكل مطرود ملحوق
عندما يكون للتميز معاني نكتشفه امام شاعرنا المتعمق
وحينما يتواجد الابداع في هذه المعاني يتوج كلمات القصيده هنا الشعر وهنا تمثيل الامثال للابداع معاني ولاتميز انغام صح السان شاعرنا اتميز المتعمق |
رد: ماكل مطرود ملحوق
شكرا للجميع من أعماق قلبي
|
رد: ماكل مطرود ملحوق
المتعمق
ماقلت الا الصحيح فعلآ الكثير طرد وراه وراح مثل السراب على العموم ماكل مثل او مقوله صحيحه فـــ صح السانك وسلم بنانك ابيات جزله من راس جزل لاعدمناك ولا عدمنا جديدك تحيييييييياتي |
رد: ماكل مطرود ملحوق
هذا الصحيح وكـم مطـرود ملحـوق--برهنت لـك صوابهـا مـن خطاهـا الله الله هذا العلم اللي عليه الكلام وعزالله انك مبدع ي ابو امجاد وفالك العلم الغانم تقبل مروري |
رد: ماكل مطرود ملحوق
صح لسانك يا المتعمق و صحت نظرتك ، قصيدة جزلة . تقبل مروري . |
رد: ماكل مطرود ملحوق
صحِ لسـَانكْ ومـًشكورْ..
|
| الساعة الآن 12:07 AM |
Powered by vBulletin® Copyright ©2000 - 2024, Jelsoft Enterprises Ltd. Supported By Noc-Host