|
شاعر تفجر
مني على اهل الوفى لفه وتدويره
يوم المعاني بقلبي طايش ماها يا كوكب الشاعر اللي زان تصويره بث القوافي على الاسماع ترعاها ما عاد في خاطري للصوت تبريره ما دام بالي على ماقيل عداها للعز نقطع دروب الشوق والغيره ونخاوي الناس بالغيره ونرضاها ما دام للشعر بين الناس تفسيره لا بد كل القلوب البيض تقراها شاعر تفجر وبان اليوم تفجيره في ساحة اهل الوفى سيل ضحياها غير معالم تحياته بتفكيره حتى معاني بيوت العز سماها بدا بالاشراف يوم اجتاح تبريره قوم على رايت التوحيد مبداها ربعي هل العز واهل الجود والحيره تحتار فيهم عقول الناس وابناها واذا بغيت اجمع القول بحذافيره الله يعين القصيده كيف ببداها لكن با احول عسى فالامر ذا خيره على رجال تسامت في مزاياها بني رشيد الفخر والمجد له سيره لابه على قمة التاريخ مسراها صبيان عبس ولهم بالقول تحريره هاماتهم بالعلا والطيب تحماها هذا هو القول والمنقول تقريره الله يعز القبايل في عطاياها الصدق للخوه بذا الوقت تسعيره على النقى نشتري الخوه ونرقاها وسلامتكم |
وانت سالم وغانم صح لسانك على هذه القصيده والف نعم فيك وربعك ولا عليك زود وبيض الله وجهك على هذا الابداع الرائع لاهنت والى الامام من تقدم وزدهار
|
ونت سالم
صح لسانك ياشاعرنا المبدع والمميز واتمنى لك التوفيق والسداد وتقبل مروري المعطر بالعود |
اقتباس:
بيض الله وجهك على هالشامخه كشوخك والنعم فيك وفي لابتك وسمو القبائل وصح الله السانك ملايين وشاعر متمكن تجيد المفرده الشعريه بكل يسر وسهوله لاعدمناك في منتداك شاعرنا المتميز تقبل مروري وتحيييييييييييياتي الحاره لك |
الاخ سيف المهيمزي صح بدنك
وما عليك زود وجعلك سالم والله لايهينك على المرور الجميل مرورك بحد ذاته تشريف تقبل كل الود |
علي عواض صح بدنك والله لايهينك على المرور
والعود في مرورك وتقبل مني كل الحب والتقدير |
وجهك ابيض يا اخ عيسى وما عليكم زود انت ولا بتك
وكل قبيله فيها قسمها من الطيب والله لايهينك على الاطراء وتقبل مني ازكى وارق تحيه |
واذا بغيت اجمع القول بحذافيره
الله يعين القصيده كيف ببداها صح الله لسانك مليون ولايسدون يعجز السان عن التعبير امام هذه الرائعه ناصر لك ارق تحيه |
صح بدنك والله لايهينك على المرور
ولك مني اجمل واعذب تحيه وتقدير |
واذا بغيت اجمع القول بحذافيره
الله يعين القصيده كيف ببداها مبدع صح لسانك |
صح الله لسانك مدد
والله انك مبدع والله لايحرمنا من بوحك كن بخيرا بدوي فااااهم |
ناصر الشريف
حضور و إبدااع يضرب بقوة في أرض الشعر بجمال قدره 7 درجات ريختر مبدع و رآقي في كل حالاتك و هذا ليس بمستغرب على سموك مودتي ريميه :oo5o.com (25): |
صح لسانك شاعرنا القدير
انت تستحق كلمة شاعر مبدع رياض الرشيدي |
ناصر الشريف صح السانك مافيك حيله مبدع
|
صالح بن فالح صح بدنك والابداع ما تم الا بمرورك على هذا النص
شكرا لك |
بدوي فاهم صح بدنك وشهاده اعتز فيها
وامين والله لايهينك على المرور الجميل والاطراء والدعوه الحلوه تقبل خالص ودي |
الاخت ريميه اشكرك على هذا المرور الاكثر من رائع
والاطراء الجميل تقبلي مني اجمل تحيه |
صح بدنك اخي رياض
وشهاده اعتزبها والله لايهينك على المرور الجميل وتقبل صادق ودي |
الاخ سلطان المهيمزي صح بدنك والله لايهينك
|
رد: شاعر تفجر
صح لسانك ومشكور اخوي على القصيده الرائعه..
|
| الساعة الآن 04:07 PM |
Powered by vBulletin® Copyright ©2000 - 2025, Jelsoft Enterprises Ltd. Supported By Noc-Host