لا اله الا الله
 

هذه القصيده مجاراه للشيخ عايض القرني


[poem=font="simplified arabic,6,black,normal,normal" bkcolor="transparent" bkimage="" border="double,4,gray" type=1 line=1 align=center use=sp num="0,black""]
لا اله الا الله ابدابها فصل الخطاب=ديننا الاسلام مبني على محرابها

لا اله الا الله افتح بها للرزق باب=يوم كلا للمعيشه يدق ابوابها

ولا اله الا الله اسوقها سوق الركاب=صوب جنة عدن ربي مبشرنا بها

ولا اله الا الله تعزني يوم الحساب=يوم كل الناس تسعى لعز انسابها

ولا اله الا الله تجيرنا شر العذاب=النبي المصطفى حثنا نرقى بها

ولا اله الا الله تنير في كل الرحاب=هي رواسي الارض نور السما واطنابها

ولا اله الا الله يقولها حتى الذباب=كل شي سبح بذاته وهو ادرى بها

ولا اله الا الله الحي مهيوب الجناب=منشي الدنيا وباسط جميع شعابها

ولا اله الا الله يقولها شايب وشاب=خير خلق الله طه موصينا بها

ولا اله الا الله وكل ما غيره سراب=جملة ارزاقه ابد ما حصرنا حسابها

ولا اله الا الله بها تنقال السحاب=بالنبي اللي له الريح ناخ ركابها

ولا اله الا الله اسراء من حقه مهاب=ثم عرجبه للسما السابعه باسبابها

ولا اله الا الله تجيب ما لذ وطاب=السما تشهد بها والافق يصفى بها

ولا اله الله بفضلها هل الرباب=والصباح اتنفس بها لنيل اعجابها

لا اله الا انت والكل للامر استجاب=والملايكة الشداد انحنت برقابها

ياالله انت اللي تعز الفقير بلا حساب=ما غني الا انت والحاجه انت ادرا بها

اعف عنا يا الهي ونطقنا الصواب=يا مبيد الظلم مفني جميع احزابها

طاعتك يا الله هي مبتغانا والنصاب=خلنا في عزها يالولي نحيا بها

يا مقسم رزقك بعدل في كل الرحاب=رحمتك ياالله نلجى ونتذرا بها

هننا يارب من حوض طه بالشراب=مثلما هنيت مريم بجني ارطابها

يا منطق ابن مريم بمهده للثواب=عزنا باسمائك اللي توسلنا بها

بسمك يدور الفلك واحرق الجن الشهاب=بامرك وبامرك الهي يضيع ارهابها

يا مدمر فرقت الكفر بانواع العذاب=طاعتك يا رب نطلبك ثبتنا بها

انفلق بحرك لموسى لتخفيف المصاب=واهلك الفرعون يومه عتى برحابها

بسمك السد انبنا والقطر يالله ذاب=وانحجز ياجوج وماجوج في سردابها

انت وحدك تعلم الغيب يا منشي السحاب=وانت رحمن الاراضين فك انشابها

فرج لامة نبيك من اذناب الكلاب=يوم ضاع الحق ياالله ببطش كلابها

نصرتك ياالله هي مبتغانا والزهاب=زمرة اهل الغي قامت تحد انيابها

عرض خير الخلق قامت تناوشه الذياب=انت تعلم مبتغاها وكل العابها

امرك لنا بالدعى والوعد منك الجواب=استجب دعوة ذليلٍ وفك ابوابها

اسئلك بالاسم الاعظم وبايات الكتاب=جنة عرض السماوات خضر ثيابها

واسئلك تغفر لنا يوم لا ينفع عتاب=ما سوى الاعمال تنظر لنا باهدابها

اصبح الاسلام ياالله في وضع اغتراب=والفتن قامت تنسج علينا اصلابها

فزعتك يافالق الحب يا مرسي الهضاب=يا مبيد الشرك مفني جميع اربابها

لا اله الا الله بها الحرم يبقى مهاب=روضة من جنة الخلد يا طلابها

حاجتي بيدك الهي وبك كشف المصاب=والمعاني فيك ضاعت عموم القابها

صل يا ربي على اللي هدانا للصواب=احمد المختار واله تشيعنا بها
[/poem]

لا اله الا الله سبحانه

ناصر الشريف صح السانك وعلا شانك


شاعر جزل متمكن سجل اعجابي بكل ماتطرحه من بنات افكارك

وتقبل خالص الود والتقدير

ناصر الشريف

صح الله لسانك مليون ولايسدون

قصيده جزله من شاعر جزل

يعطيك العافيه المبدع دائما

لك ارق تحيه

صح الله لسانك واعتلى شانك

دمت متألق ياناصر

كن بخيرا

بدوي فااااهم

صح لساانك أخوي نااااصر جاااريت وأبدعت لاعدمنا جديد أبداعك تقبل بصمتي لروعه قصيدك بشكل عااااام



جروحي تنزف أحزاني

شاعرنا ناصر الشريف

ما اقول الا كفو وصح الله السانك ملايين
قصيده مكتمله المعاني الجزله بلا شك
لاعدمناك في منتداك
عزيزي الفاضل

تقبل مروري وتحييييييييييييياتي الحاره لك

الشاعر ناصر صح لسانك على القصيدة الجزلة
ودائمنا ننتظر جديدك الابداعي

صح السانك وشكرك علي هاذا البداع الرائع

اشكر جميع من قام بالمرور من هنا

والله لايهينكم وصحت ابدانك

وتحياتي للجميع على المرور الكريم

رد: لا اله الا الله