|
قصيدة مرشد البذال العجرمي قبل وفاته
يحول أشول الحق جتني طروشه ـــــــــ جتني مطاليبه وانا عنه منحاش
اليوم كن بداخل الصدر هوشه ـــــــــــ مثل اختراش الريم في داخل الجاش يالله عسى عطفك ولطفك نحوشه ــــــــــ يالله بحسن الخاتمه عند الاقراش دنياك لو تعطيك زين المعوشه ــــــــــــ تالي سوالفها تعود على ماش ياما خذينا بأول العمر شوشه ــــــــــــ وياما مشينا في مظاهير وأدباش في خايعٍ وبل الثريا رشوشه ـــــــــــ نجن الزبيدي في صحاصيح ودشاش وياما جلسنا مع مرودع نقوشه ـــــــــــ في سهلةٍ ماحدرنا زل وفراش في وسط روضٍ مخضراتٍ خفوشه ــــــــــ نبته جديد ومبعدينٍ عن الطاش نبنوب لا خبله ولا أهي مخروشه ــــــــــ عنق الفريد ان ذيره زول حشاش قامت تخاطبني بنفسٍ هشوشه ــــــــــــ بس الكلام وعرضه أبيض من الشاش بسرار في وسط القلوب مخشوشه ــــــــــ بين الثنين ولا درى عنهن الواش ربعة وفا ولا السلب ماننوشه ـــــــــــ ماني لوجه معذب الحب خماش واليوم مالي مع هل الصيد نوشه ــــــــــ عطيتها غيري بلاسوم ببلاش عند الطبيب وصار عندي وحوشه ــــــــــ ومن الإقامة صابني خوف وخراش ذالحين شفني جالسٍ عقب دوشه ــــــــــ أصلب عضاي وكن بالجسم هشهاش خليت ديواني ومجلاس حوشه ــــــــــــ عقب المعزة ساكنٍ دار الإنعاش والنفس ضاقت عقب ماهي بشوشه ــــــــــ مثل المقيم اللي على نو مطراش |
روعة كروعة ناقلها
الله يعطيك العافيه |
اقتباس:
وشكرا لمرورك اخي العزيز احمد |
اشكـرك اخـوي الـزعيتـري علـى ان نـوفـي لشـاعر المرحوم بـاذن الله مرشد البـذال شـي ممـا قـدمـه واللـه يرحمـه .
يالله عسى عطفك ولطفك نحوشه ــــــــــ يالله بحسن الخاتمه عند الاقراش |
الله يرحمه ويغمد روحه الجنة ان شاء الله مشكور بو محمد عالقصيدة والنقل الرايع سلمت يمناك :)
|
ابن نقاء
مصدر مسؤول مشكورين على المرور ورحم الله شاعرنا |
الله يغقرله
ولا هنت يالغالي على روعه النقل الجميل |
صح لسان سهل ويستاهل المدح بن سمره شكرا على النقل |
رد: قصيدة مرشد البذال العجرمي قبل وفاته
صح لسانك ومشكور اخوي على القصيده الرائعه..
|
| الساعة الآن 07:29 PM |
Powered by vBulletin® Copyright ©2000 - 2025, Jelsoft Enterprises Ltd. Supported By Noc-Host