ماودي الناس تدري وش يبكيني
 

مـن عـز نـومـي صـحـيـت وشـفـت فـي عـيـنـي
دمـع تـهـادى عـلى جـفـنـي وأنـا غـافـي


سـتـرت دمـعـي بـكـمـي قـبـل يـغـريـنـي
وأخـذت هـذا الـجـسـد مـن بـاقـي لـحـافـي


وسـريت تـايـه ورى خـطـوات رجـليـنــي
لا الوجـه وجـهي ولا أوصافي هي أوصـافي


أمـشـي وأقـول لـطـريـقـي لاتـوديـنـي
لـعـيـون نـاس تـبـي تـدري عـن الـخـافـي


أمـانـتك .. خـلـها مـابـيـنك وبـيـنـي
خـابـرك يـالـدرب خـوة عـمــر وسـنــادي


مـاودي الـنـاس تـدري وش يـبـكـيـنـي
كـرامـة الـنـفـس ورث أبـوي وأســـلافــي


أمـشـي وأحـس الـخـنـاجـر فـي شـرايـيـنـي
والـبـرد يـمـشـي وراي ويـنـهـش أطـرافـي


وحـيـد والـلـيـل بـردونـه يـغـطـيـنـي
تـقـول كـن الـبـلد روح بـهـا الـســافــي


إلـيـن مـاأوحـيـت لـي صـوت يـنـاديـنـي
صـوت أعـرفـه مـثـل ما أجـهـل وش خـلافـي


قـمـت أتـلـفـت وأنـادي ... لاتـخـلـيـنـي
مـاغـيـره الـصـوت .. هـذا صـوتـه الـدافــي


ولـمـحـت زولـه مـن أقـصـى الـدرب لافـيـنـي
مـدري وش أقـول لـكـن حـي هـا الـلافــي


تـعـال .. شـف غـيـبـتـك كـيـف أثـرت فـيـنـي
تـعـال .. شـفـنـي وأنـا أغـرق عـقـب مـجـدافـي


تـعـال.. خـذنـي ورحـبـي مـن عـنـاويـنـي
تـعـبـت أعـدي عـلى جـمـرك وأنـا حـافـي


تـعـال وإقـطـف بـصـوتـك زهـرة سـنـيـنـي
كـل الـمـواعـيـد عـقـبـك شـمـعـهـا طـافـي


تـعـال وإزرع خـصـل شـعـرك بـكـفـيـنـي
بـضـمـهـا لـيـن أحـس بـلـيـلـك الـظـافــي


تـعـال وش فـيـك خـايـف ؟ أنـت نـاسـيـنـي ؟
قـطـعـت صـوتـي عـلـيـك وطـال مـيـقـافـي


حـتـى بـديــت أشـعـر إن الـحـب مـعـمـيـنـي
وإن أنـت حـلـم عـثـى فـيـنـي وأنـا غـافـي


لـكـن أمـانـه تـرى الـلـي فـيني كـافـيـنـي
إن رحـت مـنـك كـذا مـارحـت مـتـعـافـي


بـصـّدق الـحـلم وأحـذر لا تـصـحـيـنـي
فـي خـاطـري كـلمـتـيـن وإن قـلـتـهـا كـافـي


أمـانـة الـلـه عـلـيـك إن غـبـت عـن عـيـنـي
لا يـكـون قـلـبـك مـثـل قـلـب الـزمـن جـافــي


مـع كـل دمـعـه تـذكـر رعـشـة يـدينـي
ومـع كـل ضـحـكـه تـذكـر قـلـبـي الـوافـي

أةةةةةةةةةةةةةةةةة يالمنادي ..

يا حلووووهاااااااا ..

صح لسان شاعرها و احساس ناقلها ..

منو صاحب القصيده ما عليك امر ..

أشهد انها قويه بكل ما تعنيه الكلمه ..

و أن تضرب بالقلب ضرب الطبووول ..


أمـانـة الـلـه عـلـيـك إن غـبـت عـن عـيـنـي
لا يـكـون قـلـبـك مـثـل قـلـب الـزمـن جـافــي


مـع كـل دمـعـه تـذكـر رعـشـة يـدينـي
ومـع كـل ضـحـكـه تـذكـر قـلـبـي الـوافـي

لاهنت وربي .. و سلمت يدينك على النقل ..

تحيااااااااااااتي لك ...

مـاودي الـنـاس تـدري وش يـبـكـيـنـي
كـرامـة الـنـفـس ورث أبـوي وأســـلافــي


أمـشـي وأحـس الـخـنـاجـر فـي شـرايـيـنـي
والـبـرد يـمـشـي وراي ويـنـهـش أطـرافـي



المناااااااااادي قصيده رائعه واحساااس اروووع

لاهنت ع النقل


لك خالص تحياتي

يشرفني ويسعدني مروركم

واكثر ما يسعدني تقبلكم


القصيده صاحبها الشاعر فهد المساعد

علا وغلا ابو عزام
يعطيك العافيه وصح لسانك على القصيدة
الرائعه والجميله دوم الابداع انشاء الله
شكرا لك اخي وتحياتي لك

تسلمـ يدك اخويـ المناديـ..
ويسلمــ ذوقكــ..
قصيده رائعـ..
صحـ لسانـ شاعرها..
وسلمتــ يمينكــ..
تقبلــ مروريــ..
يمــــ دروبي ــــك..

يشرفني ويسعدني مروركم اخوي دم الجروح

القصيده ليست لي

يمك دوربي شاكر لكي مرورك الراقي

رد: ماودي الناس تدري وش يبكيني