يا دمعة الوجدان
 

بسم الله الرحمن الرحيم

اليكم هذه القصيده وترقبو طلب الترقيه

في القصيده القادمه او طلب وسام جديد

ضيف ومتشرط



قلت اتركيني يا حياة المعاناه
قلبي تبعثر في عروقه شضايا

راحت حياتي والكدر يدفع اقصاه
حتى طفش مني جميع البرايا

ان جيت ارد القلب تدفعني خطاه
حتى تلزلزني بكل الزوايا

وان جيت افل الهم تنزفني دماه
وادمن على هم القلوب العرايا

ويش القضيه والجسد كيف يغشاه
طيش الضلوع اللي تهد الحوايا

يا دمعة الوجدان لا تنثري ماه
ما دامة انفاسه تبث التحايا

اسوق نفسي والقدم دوم لرضاه
ويسوق لي ضيق ونكد للخلايا

ارجيه واسري وانتهي دون لا القاه
واهيم وعروقي تصير الضحايا

يا للاسف صارت حياتي بلياه
تسقي عروقي راديات المنايا

كله بسب اللي ظهر لي محياه
مثل الشعاع اللي عكسه المرايا

يكوي جسد ناصر ولا عين دواه
الله يعين اللي حياته رزايا

صح لسانك على هذه القصيده

صح الله السانك واعتلا شانك
وقصيده رائعه وحضووووور ا روووووووووووع

صح اسانك
قصيدة مميزة اشكرك عليها

صح لسانك وعلا شانك