اريد الكل يشارك الموضوع يهمني شخصيا
 

بسم الله الرحمن الرحيم

والصلاه والسلام على رسول الله وعلى اله وصحبه اجمعين

وبعد

مساء الخير ياجماعه انا سعيد لاني معكم في هذا المنتدى الرائع

هذا الموضوع يهمني كثير وارجو الكل يتجاوب معي في هاذين السؤالين

السؤال الاول للرجال

لوكنت مقبل للزواج اكيد بتفرح لكن اذا اصابك مرض ربما يأثر في علاقتك الزوجيه

وانت طبعا خاطب البنت من زمان وماتستطيع انك تقول هذا المرض لاحد لانه مرض في منطقه حساسه وذهبت الى الطبيب حتى تعرف هل تستطيع تزوج وانت على هاذي الحاله والطبيب قال لك تزوج من دون ان تخبر زوجتك بهذا المرض بعد كذا انت ذهبت لاكثر من دكتور وقالوا نفس الكلام اللي قاله الطبيب الاول لكن احساسك وشعورك انك مريض وانه كلام الاطباء هو مجرد عدم احباطك هل تقبل للزواج في هذه الحاله ؟



السؤال الثاني مشترك ( للرجال والنساء )

لو اكتشفت المراءه ان زوجها فعلا مريض بهذا المرض هل تطلب الطلاق

او تطلب من زوجها ان يعالج نفسه او تقبله هكذا ؟

وبالنسبه للرجال هل يقبل ان يعالج نفسه خصوصا انه في منطقه حساسه ؟




وشكررررررررا لكم

ارجو التفاعل مع الموضوع لانه يهمني .

أنتظر مشاااركــآت الاعضـــاء والعــضــوات

السلام عليكم ..

ما شفت موضوعك ولا كان جاوبتك من زمان ..

دخلت عشانك بس .. و بعدها بطلع ..

شف و أنا اخوك اذا كان مو معدي .. عادي جدا ..

و ان كان ما يأثر في شيء عادي بعد ..

و انا عرفت المرض المقصوووود ..

تراه عادي جدا ...

لكن مردوده النفسي صعب شووووي ..

مثلا : أنا مريض مرض معدي و للأسف .. ينتقل عن طريق الجماع و أن عن طريق الدم ..

له علاج فى أن زوجتي تاخذ 3 ابر .. و هو معروووف المرض على كل حال و منتشر ..

و ان شاء الله ما يصير لها شيء ..

لكن سبحان الله جتني عقده نفسيه .. كرهتني في موضوع الزواج ..

و بسبب الشيء هذا فسخت ملكتي من اول بنت .. و البينت الثانيه خطبها لى ابوي بدون علمه عن مرضى ..

و تعقدت .. لأن فسخت الملكه بسبب مرضى و هو ما يدري ..

مع الوقت قلت لهم عن المرض .. و عرفوا أهل البنت ... و مع هذا راضين أن اخذ بنتهم ..

جزاااااهم الله خير ما قصروا .. لكن أنا لما الحين فيني عقده .. ما أحب أحد يشاركني في مرضى ..

مع أنه مزمن و ما يروووح .. و ياثر فيني في المشي .. و نزل وزني 30 كيلوووو ..

كم 90 إلى 60 .. ولو تشوووف وجهي قبل المرض و الحين بتجيك صدمه ..

يغير حتى في لون الوجه و العيووون .. لكن مع هذا اهل البنت و البنت راضيه ..

و أنا للأسف لما الحين من دااااااخلي ماني راضى ..

لأن المررررض معدي .. و مع ان فيه ابر تمنع انه ينتقل لها ألا أني خايف ..

ثاني شيء اعاني منه أنا نفسيا فما أبي اعقدها معي ..

اما بالنسبه لك انت ... أن كان المرض مو معدي .. ليه متعقد .. ؟؟

و نصيحه لك .. ان كان مو معدي لا تعلم حتى أهل البنت ..

شحقه تعلمهم و هو ما فيه مضره .. ؟؟

علم البنت بنفسها عن طريق وحده من الاهل .. أن كنت تحس انك ظالمها معك ..

ان كانت بنت رجاااااال و فيها خير و من نسل رجاااال .. بتقوووول يالله حيه ..

هذا رجال كفووو أن كنت كفووو .. و ما يعيبه مرضه ..

و ان كانت بنت خبووول .. خلها تقول ما ابيه روحي قولى له ..

و فكها بدون علم اهلها و اهلك ..

عشان ما تعقد اهلك و اهلها ..

و قبل ما تخبط من اى شخص ارسل وحده من أقرب الناس لك و قل للبنت ..

اما ان كان عادي عندك ما يأثر عليك نفسيا .. مو لازم تقووول لأحد ..

و المرض مو معدي ليه تعب رووحك ..

الكلام طوووويل .. و مفصل ...

و ان كان تبي نصيحتي عدل ..

هات رقم تلفووونك .. و بعلمك عن كل خطوة تسوويها ..

لان الكلام احسن من الكتابه هنا .. و تفهمني اكثر ..

و ثاني شيء عندي خبره عن الامراض بشكل فوووق ما تتصور لو ما كنت طبيب ..

و ناس كثير مرضى عطيتهم راي .. و مستور عليهم .. و انا من زوجهم بعد ..

غير جذى شتبي ... تراك اخو .. و عزيز و غالي .. و منت شوي عندي يا حمد ..

عساااااااااااك على القووووة ... و لى معك كلام خاااااارج المنتدي ..

اسف تراني مشغوووول .. عن اذنك الحين ..

تحياااااااااااتي لك .. و لى عوده على نفس الموضوع ..

انا اقول ان اخوي فيصل عطى الموضوع حقه
وانا ياحمد اعتذر عن المشاركه لان مالي خبره في هذا الشأن

يتوقف على حسب المرض حتى يمكن الاجابة والافادة . ولكن أي مرض له سلبيات مستقبلية على العلاقة الزوجية فلاتقدم على خطوة الزواج لأنك سوف تفقد أمرين مهمين

1_ فشل حياتك الزوجية .

2_ عدم القدرة على التجاوب مع العلاج بسبب الضغوط النفسية .

اقتباس : المشاركة الأصلية كتبت بواسطة موسى محمد بن نقاء [ مشاهدة المشاركة ] يتوقف على حسب المرض حتى يمكن الاجابة والافادة . ولكن أي مرض له سلبيات مستقبلية على العلاقة الزوجية فلاتقدم على خطوة الزواج لأنك سوف تفقد أمرين مهمين

1_ فشل حياتك الزوجية .

2_ عدم القدرة على التجاوب مع العلاج بسبب الضغوط النفسية .
اشــــكرك أخــوي مــوسي بن نقاء علي المشاركــه ومــشــاركتك والمــرورعلي موضوعي أكـبــر فــخر وفــيــت وكــفــيــت

اقتباس : المشاركة الأصلية كتبت بواسطة مفلح المهيمزي [ مشاهدة المشاركة ] انا اقول ان اخوي فيصل عطى الموضوع حقه
وانا ياحمد اعتذر عن المشاركه لان مالي خبره في هذا الشأن


أخــوي فيــصــل وفا وكفا والله يعطيه العافيه
,انت تشريفك لموضوعي مشاركــه بحــد ذآتـــه والله يعطيك العافيه