بسم الله الرحمن الرحيم

السلام عليكم ورحمة الله وبركاته

أسعدالله
مساءات وصباحات الجميع
بخيره والفرح والسعد والمسره

المناسبه
بالنصين
سيعرفها
من يجيد قراءة النصين


فتل الشاعر
كاتب الرشيدي

[poem=font="traditional arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هبت .. نسانيس .. الشمال العذيّه = وساقت .. بحيرات .. المواجيب سدي
ووردن .. على عدن .. تلاطـم دليه = هدف .. الخشوم .. مجرفات الأخدي
وشربن ملي .. حياض .. من ساعديه = عن .. مارد الماء .. دائمٍ ماتردي
خزايزٍ .. ماهي .. طرائف رعيه = واخترت .. منهن لك .. ياذيبان ردي
يا فارساً .. لك للمغازي .. سريه = وألي مثل .. مالك من الطيب .. ندي
رهبان .. جيشك سبّق .. الخيل ليه = ولاني .. عن مواجه .. قبالك مصدي
رماح .. حبر .. مولماتٍ دميه = ومسرجات .. بركضهن .. ماتقدي
وإلى وصلنا دار .. حام .. الونيه = عن .. راس ذيبان ..الهدف مانبدي
نقول جينا .. والحميه .. حميه = لك .. ند لكني معك .. مأنت ضدي
ونسجّ .. عذبات السوالف .. سويه = احدٍ يجيب .. العلم .. واحدٍ يودي
بيتاً .. لفاك مسيساً ..في بنيه = منظرك .. لبيوت .. الرجال متردي
نظرتك .. يابن العم .. ماهي دنيه = لكن سؤ الفهم .. ماهو .. بجدي
لك الشعر .. يدنو وتقطف .. جنيه = ولك مفرداتن .. دائماً .. تستجدي
وانا مامدي .. مثل .. مد السقيه = هامور .. من صيد البحار .. متغدي
جيتك .. وعذري ماتشيله .. يديه = حبة خشم .. ومعانق الطيب .. ودي[/poem]


وهذا
ردي عليه

[poem=font="traditional arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هب البراد .. وغرهدت راعبيه = وأفتلت ..جزلات القصيد المجدي
درهمتهن .. مثل البكار الهديه = عوص الركاب .. مجهزات الأشدي
دلت ومدت .. وأسحرت ناظريه = في خايع {ن} .. فيه النفل مجرهدي
ركايب لشيخ {ن} .. خشته البريه = لازيزمت .. بين العرب تستبدي
ميزتها .. من جوبها للثنيه = وأجهزتها .. وقت النهار المصدي
من خافق {ن} .. يفرح بجية خويه = له سجة {ن} .. قرناسها مستعدي
تنصا الذي .. جر اللحن سامريه = وأقبل كما حراً .. كفخ مستهدي
شاعر وجزلاته .. تمقنا نديه = حاولت أقدي .. من هجوسه وأهدي
يبغى يزينها .. ويقلب عليه = بالعون علمه .. ما يسر المودي
ياصاحب {ن}.. سقت البيوت المليه = وأظهرت للشعار .. مدك ومدي
أشرب فناجيل الشعر .. شاذليه = قرطع فناجيل{ن} .. وفت وسط يدي
وأقضب علوم {ن} .. لاتجلت عليه = أحدن يعليها .. والأخر يقدي
ماني بمن ثنى .. هروج {ن} خليه = ولاني بمن تمشي عليه .. وتعدي
الحر يفهم .. والهفيه هفيه = والشعر مداته .. تفك وتشدي
والذيب لامنه .. حدر للوطيه = ماغربله .. ضلع الضنك والتحدي
والملح .. وان شاشت بشوف ابرديه = عن ضافي المخضار .. لا ماتلدي
والعذر .. بين الناس طيب حليه = لامرني .. لا ما يروح متعدي
ومادام غيرك .. ماحظى بالحظيه = وأجتابها .. بالسيف جدك وجدي
قربلي خشيمك .. وصافح يديه = وخل الخيال .. بجزلتك يستمدي [/poem]


دمتم
بخيراً وعافية