منتديات قبيلة المهيمزات الرسمي - لا هبهب السافي وحر اللواهيب ... ماينفع الماشي كثير الخطاوي ..!

منتديات قبيلة المهيمزات الرسمي (http://www.almohemzat-abs.com/vb/index.php)

- ◄ أخبار القبيلة في الوطن العربي ► (http://www.almohemzat-abs.com/vb/forumdisplay.php?f=93)

لا هبهب السافي وحر اللواهيب ... ماينفع الماشي كثير الخطاوي ..!

.
.
.
بعد السلام ..
أبدأ .. بنظم الكلام ..
وترتيبه ورصفه .. وإعرابه وصرفه ..
.
.
قصيدة مُتواضعة ..
نظمتُها وعلى عُجالة ..
مؤازرةٍ ..
لـِ بكر الرشيدي ورِفاقه ..
.
.
.
[poem=font="traditional arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لاهبهب .. السافي وحر اللواهيب = ماينفع.. الماشي كثير الخطاوي
ولا هاضت .. غلاظ الجروح المعاطيب = دوّر .. على طب الطبيب المداوي
دوّر.. ذراك اليا أدركّتك المشاهيب = مالك .. ومال مقربين الحراوي
ما تتعب .. الرمضا ملاس العراقيب = الا لمن .. ربعه سوات الحداوي
ولا تجفل .. الناقة بشوف المشاعيب = الا ليا .. كب المراح الشواوي
والشعر .. وأن جمّل وجيه الرعابيب = ماحط .. قدر المعتلي و النداوي
للشعر لذة .. لا أتجه للغواليب = أهل الظفر .. ومرددين العزاوي
عبسان .. لا ماتت فعول الأشانيب = تطنّخ .. وتجلي كايدات البلاوي
أهل .. الصخا ومكثرين المواجيب = سمح .. الوجيه مزبنين الجلاوي
قوماً .. ليّا قامت تفك المناشيب = لامن .. تساوى حلمها بالمناوي
ياعبس .. شفنا بالزمان التعاجيب = يوم.. أختلط كبر الخطأ بالدعاوي
بكر الرشيدي .. طوّعته المناكيب = و أقفت مغاتيره .. و صار الشقاوي
ضاقت عليه.. و غربلته المصاعيب = و أضحى .. يبدد ضيقته بالرجاوي
همه .. تناهى بالظلوع المحاديب = والحزنِ .. دكه و الكدر بالتساوي
جاكم يدوّر .. ضيفته يالمعازيب = ما دوّر .. الضحكه وكثر الحكاوي
أما تلبّون .. الفدا و المطاليب = و يبّدل .. الظلمه بشمس الضحاوي
والا تلقو .. شرهته يالأصاحيب = لامنها .. ضاعت جميع الهقاوي
[/poem]
.
.
أخيراً ..
أدعوا ..
رب الأرباب .. وقاهرِ الأحزاب ..
أن يَفُك أسره .. وأن يُعجِل لهُ بالفَرج ..
.

رد: لا هبهب السافي وحر اللواهيب ... ماينفع الماشي كثير الخطاوي ..!

صح لسانك يا فهد .

رد: لا هبهب السافي وحر اللواهيب ... ماينفع الماشي كثير الخطاوي ..!

ذيبان اسم غلى مسمى
لا فض فوك
كملت وتجملت بيض الله وجهك يا ولد العم

رد: لا هبهب السافي وحر اللواهيب ... ماينفع الماشي كثير الخطاوي ..!

جـاكـم يــدوّر .. ضيـفـتـه يالمـعـازيـب=مــا دوّر .. الضحـكـه وكـثـر الحـكـاوي
أمـــا تـلـبّـون .. الـفــدا و المـطـالـيـب=و يبّدل .. الظلمه بشمـس الضحـاوي
والا تـلـقـو .. شـرهـتـه يـالأصـاحـيـب=لامنـهـا .. ضـاعـت جمـيـع الـهـقـاوي

صح السانك يا فهد والله يجزاك خير ونسأل الله ان يفرج عن بكر ومن معه عاجلا غير آجر

رد: لا هبهب السافي وحر اللواهيب ... ماينفع الماشي كثير الخطاوي ..!

صح الله السانك واعتلى شانك