منتديات قبيلة المهيمزات الرسمي - يقول لي ليه تكتم بصدرك

- ◄ منتدى عيون الشــعر ► (http://www.almohemzat-abs.com/vb/forumdisplay.php?f=35)

- - يقول لي ليه تكتم بصدرك (http://www.almohemzat-abs.com/vb/showthread.php?t=11377)

يقول لي ليه تكتم بصدرك

السلام عليكم ورحمة الله وبركاته
اسعدالله اوقاتكم بكل خير

يقول لي ليه تكتم بصــــــــــدرك الضنك
فرج تــــــــــــــــــــرى الدنيا علينا ثقيله

فرج ترى سيــــــــــوف الدقايق بتطعنك
ومحد ٍ يشيل همك تــــــــرى انته تشيله

خايف من همــــــــــومي وبعد اللقا عنك
وخايف أبين لك أمـــــــــــــور مستحيله

الله لو تــــــــــــــدري حبيبي شبقى منك
حلو الســــــــــــوالف وذكرياتي الجميله

من بعد ما خليتني صــــــــــــرت مدمنك
والدمـــــــــــــــع من عيني تزايد هميله

أواسي نفسي يمكن أنســـــاك وأضعنك
ألاقي قلبي يقــــــــــــــــــول مالي بديله

لا تظن قلبي فـــــــــــــــي زواياه يركنك
والله حبك فـــــــــــــــــوق راسي أشيله

بس إنته وحدك في وسط روحي أسكنك
إرجع تراها الـــــــــــــــروح بعدك عليله

تدري إنه قلبي صـــــــــار بيتك وموطنك
وتدري إنه مالـــــــــي أي أحد أشتكي له

هذا جــــــــــــــــزات اللي على قلبه أمنك
ترحـــــــــــــــل وتبعد وإنته أهله ودليله

بدفن فـــــــــــــــي قلبي ذكرياتك وبدفنك
ياللي عيـــــــــــــــــونك ناعسات وكحيله

دونتك بشعري وإحساســــــــــــي دونك
جمعت أحاسيسي وهـــــــــاذي الحصيله

إن كنت تقوى البعد في الــــروح مسكنك
وش ذنب خـــــــــــــل إتخلا عنه خليله

وإن جيتني والله باـــــــــــلروح لحضنك
وأقـــــــــــــــــول هذا الخل ما فيه حيله

منقول