منتديات قبيلة المهيمزات الرسمي

اعزائي عزيزاتي ادارة واعظاء وزوار منتديات المهامزه هذه القصيده وصلتني من الشاعر مفلح ثاري الرشيدي وقمت بالرد عليها عساء ان تحوز على رضاكم واستحسانكم00
--------------------------------------------------------------------

جاني خبر قالـوا عـمـيلـك تـولـم ==== شال العفـوش وجازته وسط جـيـبه

وجيته وقلت امرح ياعسا ماتندم ==== والصبح تمشي وشطط وش تبـيـبه

ورد بـجـوابآ قـال عـلي مـن كـم ==== ان كان امسي دون حـزم الجـذيـبه

قلت الله يسهل دربكم والله اعـلـم ==== ماكـان بـنـفـوس البـشـر اتحـكـيـبه

لاكــن خـذ مـني جـوابـآ مـحـكـم ==== ومده على اللي فاز بالطيب طيـبه

عـيسى خـويآ لـرجال المـحـشـم ==== نـسـل الحـرار اللي تعـلا الشـذيـبه

مـن لابـتآ يـوم اللـقـاء مـاتـساوم ==== عـدوهـم يـصـبـح بحـالـن مـريـبه

ودخـيلهـم في وسطهـم مايتـنـدم ==== في راس عـيـطآ مايـنـولـه طـليـبه

بني رشيد اعيال عبس المضرم ==== كـواسـرآ مـثـل الـسـبـاع المـنـيـبه

مـن بـعـدها ابـتــدي واتـكـــــلـم ==== وشـرح لعـيسى كل قـول ابتـديـبه

عـساك يالطـيب تـبصر وتـفـهـم ==== حـل الجـواب اللي يضيع طبـيـبه

جـوابـنـا بـروس الاقـلام يـرسـم ==== والشايب الـزعلان يكـفـيـه شيـبه

قـله ترا وسط البحـر حـوتآ ادلـم ==== والـبـر سـباعه حـامـيـاتآ شعـيـبه

وان كــان هـو يـم الطـوع تـولـم ==== تـراه يـلحـق ماسبـق مـن ذهـيـبه

وان كان تـنشد عن كلام المنجـم ==== اللي رمـاء سهـمـه بـغـبة قـلـيـبه

ابـشـرك انه عـلى الـغـيـظ كـظـم ==== ماعـاد تـرمي بـنـدقــه بان عـيـبه

والبـنت طلـقها وعـطاهـا الظـلـم ==== شـــره كـبـيـر وياعـسا مابـتـلـيـبه

وسقوه من عقب الحلا كاس علقم==== صـافـيـه وايـظا كمـلـولـه سريـبه

خـلـوه معـهـم دايـم الثـور يـخـدم ==== يخـدم تحـت رجلـيـن زيـد ولبيـبه

وسلم وسلملي عساك انت تـسلـم ==== على المطوع ومن سكن في شعيبه

مرد/عيسى محمد الرشيدي

--------------------------------------------------------------

البارحـه جـانـي جـوابـآ مـحـكم === جـابـه غـلامآ ضد مـنهـو حريبه

اهـلآ بـخـطآ يـوم جـانـي وســلم === هـلـيت بالمكـتـوب ويـظا نـديـبه

الـله وكـبـر كيـف يفـهـم ويعـــلم === سـلامـه اكـد في بـراهـين طيـبه

ياللي تـوجـه صوب مفـلح تـسـلم === خـذلك خـطابآ ثـم حطـه ابجـيـبه

وقـلـه تـرا مـيـلاع زنـده مـقـسـم === واللي رمـوا فـدرب علمك ابشيبه

واللي غـرس بنيان ضدك يحـطم === وان استمر حطيت جـوفـه لهيـبه

احدن نـوى لصـول والجول يحـلم=== ربه عـرف دعـواه وردا نصيـبه

وحدن يـقـول اليـوم وقـتي تحـطم === يبغاء يفـوز وصار حظـه طليـبه

وحدن يشـوف الناس مثـله امـبكم === عياء يشوف الدرب نفسه صعيبه

وان رحت يمه عـنك صد اوتــلطم=== هــذاك يامـفـلـح تـرانـي طـبـيـبه

وبعض العرب يطلب بقلبه ويجـزم=== ويسمع له الله يوم ينـوي يصيـبه

وبعض العرب يدرس ويصبح امبلم=== يمسي يبي يشرب وتصفي قليـبه

عـسـاك مـــاتـعــذل زمـانـك وتـهـتم=== وعساك ماتـنظر بقـشرآ مصيـبه

امسك صعيب الشـور دربك وسـلهم=== واحذر تكون بكون زربة زريبه

ولـــم اركـــابـك ثــم بـطـن اوحـزم=== وازهل سباع الشعب هاك القظيبه

واللي زعل بالآمس نـسـقـيـه زمـزم=== يشرب قراح الماي اسـود نجيـبه

امـا الـبـحـر والحـوت والـنجـم يلـطم=== والغـيظ والثيـران ماهي غـريـبه

انـا مـعـــك فـي كـل صايـب امــلـزم=== شق الطريق الشيب يلقاء ذهيـبه

خـل الــذي يـبحـر ويـشـرب امعـلـقم=== يشرب كدر كاسـه وينثر حليـبه

والـله يـــلـوم الـلـي بـعــــزه تــكــرم=== وهـداه يـوم انـدار فـكـره بغـيـبه

تـرا طـويل الهـرج يعـمـس ويـخــتـم=== واظن في هـرجي علومآ عجيبه

اقــر وتـنـاسـا وتـرك الــهـــم والـغـم=== ونس الليال اللي تحطـك ضريبه

وتـمـت وصلـوا عـد مـاخـلـق فـي دم=== وعداد برق الصيف لسقاءشعيبه

عـلى الرسول اعـداد من طاف وحرم=== نـبـيـنـا المـخـتار والـله حـبـيـبه