منتديات قبيلة المهيمزات الرسمي

واتم بعيد
امشي بدربي حزين
اتم اجمع ذكرياتي
والمم شتاتي
ومشي دروبي اذكرك في كل مكان
ابتسم تاره
وتخنقني عبرتي تاره
ومالي غير اتم بعيد
اركض ورا وهم
اركض وخطوتي فيها ثقل
اتم احاول انساك
لكن لازم في شي يذكرني معك
هذاك النسيان الي انتحر
انتحر يوم قلتي ودعتك الله
رمى نفسه النسيان من عالي كبريائي وانتحر
واتم بعيد اذكرك
واذكر عيونك ورمح في وسط خفوقي ارتكز
لا سهمك من وسط خفوقي رحل ولا عيونك افتكرتني وقالت انا هنا
العجيب كل ماجيت انساك انبرا لي من يذكرني فيك
كنه يقول لا تنسى
حتى اسمك صرت كثير اشوفه وين مالتفت القا لك خبر
غريب مالي الا اتم بعيد
اتم بعيد اركض اطارد سرابك
واجاري زماني عل في يوم يتحقق ذاك الأمل
يمكن يجي يوم ويوقف سرابي
وارتمي فيه
ويمكن يوم اموت ولا لقيت لك خبر
يمكن يضحك لي القدر
يمكن يقول مثل ماخذتها منك
ترجع لك وفازبيديك الصبر
يمكن ويمكن ونا عارف ماعاد في شي اسمه يمكن
اتم بعيد
اشوفك بالوجود اشوفك في عالمي نور
اشوفك في خيالي غرور
اتم بعيد اشوفك دروب
اشوفك حلم مستحيل يتحقق يوم
اتم بعيد اجمع ورود الذكرى
وعطر بها همس حاضري وهدي بها لعيوني الكرى
واتم بعيد اسولف لحالي عنك مثل مجنون
لا يعرف من حوله ولا يعرف من قدامه ولا يعرف وش يومه ولا امسه ولا يعرف غير شخص هام في وديانه
وضاع ماعرف عنوانه ونتهى به زمانه بجنون
واتم اتخيلك تجي بين الغصون
لك عطر يفوح
وتم اتخيلني المسك والقاك شمس تحرقني ودفاها لغيري
وتم بعيد
في كل شي اشوف طلتك
في امسي وبيومي وبمستقبلي
اتم اشوفك ضحكة سراب عنيد
واتم بعيد اسهر بليلي وحيد
افتح نافذتي وناظر شوارع خاليه
واجلس انا وطيفك نقابل بعض وتاخذنا السواليف ونتم بعيد
واتم اناظر عيونك وضحكة شفاتك ولمسة دفاك
وقلب وسط ضلوعي يدق دقة حنين
وفرحة وجودك
وحزن
لأنه هو بس مجرد طيف وخيال واحلام مثل السراب
واوهام وحرقة اعصاب
ودموع ونحيب وبسمة عجب
كيف القدر يقدر يخون ويهديك الحزن بقمة الفرح بتفه سبب