منتديات قبيلة المهيمزات الرسمي - انت اول انسان صارحتـه وحبيتـه>>

منتديات قبيلة المهيمزات الرسمي (http://www.almohemzat-abs.com/vb/index.php)

- ◄ منتدى عيون الشــعر ► (http://www.almohemzat-abs.com/vb/forumdisplay.php?f=35)

- - انت اول انسان صارحتـه وحبيتـه>> (http://www.almohemzat-abs.com/vb/showthread.php?t=16763)

انت اول انسان صارحتـه وحبيتـه>>

السلام عليكم ورحمة الله وبركاته

اخواني اعضاء المنتدى الشامخ

اقدم لكم هالقصيده عسى تعجبكم

ماقلت أحبك لغيرك وانـت تدريبـي

انت اول انسان صارحتـه وحبيتـه

من اسود الراس لين يهزني شيبـي

ما انسى غرام مصافينـي وصافيتـه

اقول احبك .. بـلا شـك ولا ريبـي

ماني مجامل على اللي فيك حسيتـه

احساس حبك بوسط القلب يسريبـي

واحس حبك لباقي الجسـم ضخيتـه

يا اجمل اماني العمر واغلا مطاليبـي

تحققتلـي بعـد ( ودي و ياليتـه )

كنـت اتمنـاك ياسيـد الرعابيبـي

والحمد لله وصلنـي اللـي تمنيتـه

يا اصدق شعور طلع باجمل تراحيبي

من قلب عاشق دخلتـه واستحليتـه

تقـول احبـك قبـل قلبـك يهليبـي

واقول احبك وانـا شفقـن وحييتـه

تاخذني لفرحتي مـن جـو تعذيبـي

والوقـت ويـاك مـا والله تباطيتـه

حافظك حفظ مثل حفظـي لمواجيبـي

حفظ بدوي ٍ نخـاه المبتلـي فبيتـه

اعاهدك عهد باللـي يعلـم الغيبـي

لايمكن انسـى غـلاك ولا تناسيتـه

خذني على كيـف مـاودك تسويبـي

وداعتك قلبـي اللـي معـك خليتـه

اصدق قصيد ٍ كتبتـه فـي مكاتيبـي

لاهـز قلبـك ودمـع العيـن هليتـه

ماودي تنزل دموعك بـس تدريبـي

( انت اول انسان صارحته و حبيته )

وسلامتكم

كلمات الشاعر / محمد الصواغ
أداء / عبدالله بن مانع الملعبي