منتديات قبيلة المهيمزات الرسمي - محاورة أحمد الشامري والفيلسوف في شبكة عبس

احمد الشامري
يا سلايـل عبـس عمدتكـم لديرتكـم دعانـي=وجيـت أدور عمـدة الشعـار لكـن مـا لقيـتـه
التمست لصاحبي عذر ولعله مـا نسانـي=من عقب ما راح في درب مشاه ولا مشيته

الفيلسوف
ان دعاك العمده وغادرت مـن دار العوانـي=فعرف ان الدار ماهو ناقصٍ مجده وصيته
ودي انـك ماتواخذنـي علـى زلــة لسـانـي=موقفك عند الشيـوخ الله يثيبـك ماحتميتـه

احمد
والله انــي لا لفـيـت لـديــرة الـشـيـخ الـفـلانـي=مـا*حسبـت لزلـة الراعـي وعـذره مـا احتريـتـه
إن جهلت بحق ضيف القوم مـا تجهـل مكانـي=دام تدري وش خذيت من الزمان و وش عطيته

الفيلسوف
عقب ماروحت الفشق والملح مدري الجبخاني=والله انــه لــو يـطــول الـعـمـر فـعلـه مانسـيـتـه
لو مكانك معتلي فووق السماء ماجيت عانـي=مـيــر ماخـلـيـت شـيــخٍ بالـجـزيـره مانـصـيـتـه

أحمد الشامري
الهجوس اللي على بعض المواضيع تحداني=مـا يطاوعهـن لسانـي غيـر فـي شـيءٍ بغيتـه
الحذر يا صاحبـي عقـب النـذر والعمـر فانـي=كــم سريـنـا بالـدجـى لـيـلٍ رقــدت ولا سريـتـه