قدام حد السيف
 

ياالله ياسامع دعى كل داعي ---يامستجيب الكل من يرفع ايديه
ياالله ياالرب الكريم المطاعي---يارادٍ يوسف نبيك على ابيه
ياواحد للكون خالق وراعي---تلطف بنا يامن له الخلق واليه
وارحم حزيناً يصبح الصبح واعي---خيم عليه الهم والحزن شاويه
الى بغا يسلى من الهم فاعي---والهم والهوجاس بيح خوافيه
لي ونه من حسرتي والتياعي---لو هي على قمه جبل لان قاسيه
منها خفوقي بين الاضلاع زاعي---كما يزوع الطير من كف راعيه
طلعه بعيد وكفخته بارتفاعي---واوماء جناحين السعد له مشاريه
على الجنين اللي عليه انفجاعي---والله مامثلي حنون اتعانيه
أخر خبر كلت جميع المساعي---ولا باقي الاسيدي في مساعيه
سلطان تكفى يالكريم الشاعي---يابن محمد عز من يعتزي فيه
ياطيب السمعه طويل الذراعي---أنا دخيله من تعزه وتغليه
أنا دخيلة من عطتك الرضاعي---بطن حملك ودر جوفٍ عطتكيه
دخيلتك يامير قبل الضياعي---قدام بقعاء توصل القوس باريه
ياسيدي قدام علماً يشاعي---الله يعجل موتتي قبل لاأوحيه
أحمد ثمر قلبي رجاي ومتاعي---حبل الرجا يامير بالله ثم فيه
قدام حد السيف يصل النخاعي---ياسيدي تكفى عن الموت عطنيه
متي تبشرني واشيل القناعي---اقناع ليلٍ مظلم تاه ساريه
يامير ضاقت بي فجوج الوساعي---والقلب من حزني تقطع عراويه
بعروق قلبي مثل سم الافاعي---امخالطن دمي ويجري مجاريه
والقلب لو من حجر ضلع ماعي ---والحزن لاخيم على شخص ينهيه
تكفى قدام روعت نهار الوداعي---ياسيدي كيف أتحمل مئاسيه
الشاعره/ ام احمد

رااااائعهــ اخويــ..
صح لسان الشاعره..
وسلمت يمينكــ علىــ النقلــ..
تقبلــ مروريــ..
يمـــ دروبي ـــك..:oo5o.com (25):

أحمد ثمر قلبي رجاي ومتاعي---حبل الرجا يامير بالله ثم فيه
قدام حد السيف يصل النخاعي---ياسيدي تكفى عن الموت عطنيه

اللهم رد لام احمد فلذت كبدها وقو عزيمتها اميييييين
مشكور اخوي عياده على النقل

تسلم على القصيدة