منتديات قبيلة المهيمزات الرسمي

منتديات قبيلة المهيمزات الرسمي (http://www.almohemzat-abs.com/vb/index.php)
-   ◄ منتدى عيون الشــعر ► (http://www.almohemzat-abs.com/vb/forumdisplay.php?f=35)
-   -   من نوادر الشعر لبن جدلان (http://www.almohemzat-abs.com/vb/showthread.php?t=19427)

ابو هباش 12-Feb-2012 09:18 PM

من نوادر الشعر لبن جدلان
 



يا ذا الجلال اللي عروشك فوق واملاكك حدر *****ومهماً تسامت به عروشه مستحيـل يطولهـا



يا حـي يـا قيّـوم يـا ذا الأنافـة والكبر **** ما نافسك في عظمتك مكـر العبـاد وهولهـا



وما نافسك من عمّر بيوته على سطـح القمـر * * واللّي ترسي فـوق أقاليـم الميـاه سطولهـا



ما انته بحاجة من عبد ولا بحاجة مـن كفـر ** ولا بحاجـة ثابـت الدنـيـا ولا منقولـهـا



أنت السميع لمن حمد وأنت المزيد لمن شكـر ** واللي ما يشكر نعمة المنعـم عليـه تزولهـا



ياذا الجبروت العظيـم ويـا القديـر المقتـدر ** تفزع لنا في معضلات مـا نريـس حلولهـا



تلعب بنا خلاّن فرغتنـا كمـا لعـب الكـور ** أن اقبلت صاحوا لها وأن دبّرت صاحوا لهـا



لا هبّنا الطايف بعض الأحيان في فية عصر ** شهب الليالـي مـن ورانـا يسحبـن ذيولهـا



أنت السلام اللي لك الإسلام وانـت المشمخر ** اللي عجايب قدرتك فـي المعجبيـن ذهولهـا



سلام يا محمد رسول الله راعي الوجه الأغـر ** وسلام يا روح ملائكـة السمـا صلّـوا لهـا



سلام يا بو بكر يا عثمان يـا علـي وعمـر ** وسلام يا سبـع الآفـاق أطلالهـا وسفولهـا



سلام يا صدق النوى سلام يا وسـع الصـدر ** سـلام يـا مفتـاح بيبـان الفـرج وقفولهـا



وسلام يا شمس الضحى تشرق على بر وبحر ** وتشرق على كـل الديـار جبالهـا وسهولهـا



وسلام يا غر السحاب اللـي تبجـح بالمطـر ** وشم الجبال اللـي تبجـح بالسحـاب قذولهـا



وسلام يا هوج الرياح اللي عطاهـا مستمـر ** مهما خذوا منها من الحسنـات مـا ردوا لهـا



ليت الرحاب اللي لنا بوجيههـا حـق وقـدر ** ما تضمحل من الزمان ولا نشـوف سمولهـا



و ياليتنا لاما سرحنا اليوم الأبيض من فجـر ** تبطي عبات الليل ما تضفـي عليـه سدولهـا



ولاّ ليامنهـا ضفـن سدولهـا يطلـع بــدر ** يا صل ضياه اللي على الكوره تطق طبولهـا



المعتبر يآخذ على الدنيـا دروس مـن العبـر ** والنـاس يكسبهـا معاملهـا بقـد عقولـهـا



أحيان تصدف لعبة الشاطر مع غلطـة عمـر ** مره .. لكن لا عدت الغلطة ما عـاد ينولهـا



حنا عرفنا كلنا ما طـال مـن شـيء قصـر ** والأحلام ماتوا قبلنا شرهين ما وصلـوا لهـا



حتى الجمال اللي تحمّلهـا الهقـاوي بالصبـر ** يالله بحملتهـا تقـوم وتــدّرج بحمولـهـا



والحب سيسـان العبـادة والعبـادة بالجهـر ** ان ما قدرت تقولها وجـه الصحيـح يقولهـا



يسرون عميان المحبة تيه فـي غـدر الغدر ** للـي تحـد سيوفهـا واللـي تعـن خيولهـا



ولا تفكر فـي غنـاة ولا تفكـر فـي فقـر ** وتشفع لبيضان الصدور احضوضها وفعولهـا



واهل التكلـف بالمعرفـة والتصنـع بالبشـر ** والله ما هي حول الصحيح ولا الصحيح بحولها



اللي يفضّل ما يقيم بو ميـه مـن بـو عشـر ** حتى الفضولية عن الفاضـل بطـل مفعلوهـا



اللي تخبره لحيته ذا ..طولهـا يصبـح بـزر ** واللي تخبره بزر يصبح لحيتـه ذا ..طولهـا









((سعد بن جدلان الأكلبي ))


تراها منقوله مير عساها تعجبكم وانا الشيخ ابو هباش

حكيم الزمان 12-Feb-2012 10:14 PM

رد: من نوادر الشعر لبن جدلان
 
أبو هباش

كليمات تلالة في سماء الابداع


ابن جدلان شاعر لا يختلف علية ثنين


أختيار موفق ويبدو لي من ذوقك أهنيئك

بنتظار موووواضيعك بكل شوووق

عادل بن هون 13-Feb-2012 06:47 AM

رد: من نوادر الشعر لبن جدلان
 
بيض الله وجهك يابوهباش

بن جدلان مبدع وشاعر

البحرالهادي 13-Feb-2012 10:00 AM

رد: من نوادر الشعر لبن جدلان
 
صح السان شاعرها سعد ابن جدلان وسلمت يد ابوهباش على نقل هذه الرائعه

السيف الصامت 13-Feb-2012 04:26 PM

رد: من نوادر الشعر لبن جدلان
 
مشكور ابو هباش على النقل والاختيار وصح لسان الشاعر الكبيرابن جدلان

عواد الطويحين 13-Feb-2012 06:38 PM

رد: من نوادر الشعر لبن جدلان
 
صح الله لسان الشاعر الكبير / سعد بن جدلان الاكلبي
اخوي ابو هباش اشكرك على النقل المميز لاهنت
تقبل مروري

فهد المعيوفي 04-Dec-2013 04:16 AM

رد: من نوادر الشعر لبن جدلان
 
صح لسانك ومشكور اخوي على هذي الابيات.


الساعة الآن 09:04 PM

Powered by vBulletin® Copyright ©2000 - 2024, Jelsoft Enterprises Ltd. Supported By Noc-Host

Ads Management Version 3.0.1 by Saeed Al-Atwi

HêĽм √ 3.1 BY: ! ωαнαм ! © 2010