منتديات قبيلة المهيمزات الرسمي

منتديات قبيلة المهيمزات الرسمي (http://www.almohemzat-abs.com/vb/index.php)

- ◄ منتدى عيون الشــعر ► (http://www.almohemzat-abs.com/vb/forumdisplay.php?f=35)

- - قصيدة لكل محب (http://www.almohemzat-abs.com/vb/showthread.php?t=4536)

قصيدة لكل محب

ليت (السفر) بين المحبين ممــــنـوع
تحجز(جوازت) المـــــــــحبين بالذات

حتى لوأن ( السفر) حق مـــشروع
المشكلة.. لأهل الهوى حزن وآهات

لاغاب (خلّك) والرجاء فيه مقـــطوع
لابه (رسايل) تاصلك واتصـــــــالات

الخط مغلق...كنّه (الكرت) مـــــنزوع
من ضيقتك تلعن جميـع الاشتراكـــات

تضرب على الكفّين والقلب مفــجوع
تضيق بك عقبه جميـع المســـاحـات

في ليل دامس ضايعٍ مابه شمــــوع
(الفكر) تايه فـي دروب المتاهــــات

(العين) تذرف بالدقايق له دمــــــوع
و(القلب) عايش بين حسره وونـــــات

لوّك تجر الصوت ماهوب مســـــموع
ياطول مـا بينـك وبينـه مسافــــــات

يمكن ظروفه متمشت له على طـــوع
ويمكن سلا فكره بروحـه وجيّـــــات

سايح بدار(الغرب) والأجر مدفــــــوع
يسرح ويمرح بيـن سجّـه ولـــــــذات

الجو صافي بين خضره وينبـــــــوع
وأنت بسموم(القيض) مابه إجــــازات

الهم مدهالك من أسبـوع لسبــــــوع
لاحل ذكرى (الترف) هلّيت عــــــبرات

صار(السفر) كنّه مثل حبّة الكــــــوع
جمع الحبايب سابع المســـــتحيـلات

بس الأكيد أن (الغلا) فيك مــــــزروع
(الحب) يبقى بالضمايـر ولا مـــــــات

الصدق قلته والزعل دوم مرفــــــوع

وقت(السفر) تبدي كثيـر المعانـــات

__________________
مع خالص تحياتي
منقووووووووووووووول

مشكور على النقل وصح لسان قايلها
وسلمت اناملك والى الامام وننتضر جديدك
وتقبل تحياتي
ودمت بحفظ الرحمن

بس الأكيد أن (الغلا) فيك مــــــزروع
(الحب) يبقى بالضمايـر ولا مـــــــات

مشكور على النقل المميز وأتمنى لك دوووااام التوفيق
وشــــــــــــكــــــــــراً

انتقاء رائع

ونص قيم يلامس مشاعرنا

هذا ان دل يدل على ذائقتك الرفيعه

لافي بداي

مودتي

ريميه

مشكور على النقل
وعلى الاختيار الرائع
والله يعطيك الف عافيه

لوّك تجر الصوت ماهوب مســـــموع
ياطول مـا بينـك وبينـه مسافــــــات
(ماقول الا لاتندم على حب عشته) ان شهد يابعد المسافه بينك وبينه الله يعطيك العافيه اخوي لافي وماقصرت

تحياتي للجميع

كل الشكر لك على النقل