لليل ميعاده وللشمس مطلاع<حجاج المهيمزي>
 

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
انقل اليكم جديدي المتواضع وامل ان يحووز على رضاكم
ياللي عن العالم قطعت اتصالك=لاتحسب اني للمواصيل قطاع
انا اتصل بك وانشدك كيف حالك=لو ان ردك مايصل سمعي بساع
غلاك عندي لو تقفي رحالك=يجبرني انشد عنك واعرف الاوضاع
مانت برخيص ومرخصٍ فيك هالك=اغلى علي من النواظر والاسماع
وشلون ابا حصل رفيقٍ بدالك= من كل الاشكال الكثيره والانواع
لو ان مااكنّ لك يخطر ببالك=والله ماتقفي وبالنفس مرماع
واالله لو تدري بوضعي حيالك=انك لترخص من غلاوتك الادماع
ولو ان ماجاني بغيبتك جالك=لتعرف وش معنى التوجد والاوجاع
مير احمد الله يوم شفت اتصالك=لليل ميعاده وللشمس مطلاع
[/poem]

رد: لليل ميعاده وللشمس مطلاع<حجاج المهيمزي>
 

مير أحمدالله يوم شفت أتصالك * لليل ميعاده واللشمس مطلاع
قصيده جميله وبيت أجمل
صح لسانك حجاج وهذا البيت ثمين عندي لاتنسانا من جديدك

رد: لليل ميعاده وللشمس مطلاع<حجاج المهيمزي>
 

حجاج
صح السانك واعتلى شانك
قصيده جزله من شاعر جزل

رد: لليل ميعاده وللشمس مطلاع<حجاج المهيمزي>
 

حجاج صح الله لسااانك ولاخاب وجداانك

قصيدة راقيه براقي شاعرها

ومفردات عذبه يسلم منطووقك

ولك تحياتي

رد: لليل ميعاده وللشمس مطلاع<حجاج المهيمزي>
 

جميل يا حجاج

اكتشفت وجهه جديدة للابداع في هذا الصرح
الشامخ المتميز


شكرا لك على كل شيء هنا

رد: لليل ميعاده وللشمس مطلاع<حجاج المهيمزي>
 

صح لسانك على هذه القصيده

رد: لليل ميعاده وللشمس مطلاع<حجاج المهيمزي>
 

صح الله لسانك اخوي حجاج
قصيده جزله من شاعر جزل
تقبل مروري