منتديات قبيلة المهيمزات الرسمي - محاورة ثنيان الرشيدي وراشد السحيمي

محاوره بين الشاعرين ثنيان الرشيدي وراشد السحيمي

ثنيان الرشيدي

نيابه عن سلايل عبس ارحب واكثر الترحاب

بعد يامرحبا صلوا على محمـد رسـول الله

ترى راشد براس العود والمري براس الناب

ودارن تحت حكم الفيصلي ماهـي بمحتلـه

راشد السحيمي

يدوم ابك البقاء يالصاحب اللي ماقفلت الباب

ليا منك قفلـت البـاب قدمـي يعتبـر ذلـه

ياشاعر عبس ابشركم برمحن مثل رمح ذياب

احذركم عن الميله واحذركـم عـن الزلـه

ثنيان الرشيدي

والا ياحرب ياللي تكرهون الذيب مثل الداب

اظن الليل خيـم فوقكـم والـداب بالحلـه

صداقتنا قديمه وانت لاصـادق ولا كـذاب

نهار تداوي العلـه نهـار تـزود العلـه

راشد السحيمي

ذبحنا الداب وانته تلحقه ولكل شيء اسباب

ليا منك نسيت انشد مطير عيـال عبـدالله

علاقتنا عزيزه لاوصلنا الماقف الغصـاب

ثنيان الرشيدي تالـي ايامـه يـزول لـه

ثنيان الرشيدي

تقوله وانت ماعندك شهود ومقتفيـك حسـاب

لو انك كنت صادق ليه دمعـك دايـم تهلـه

انا مادري وش اللي ضيعك في زحمة الاحزاب

وانا خابرك رجالـن تقـص الـدرب ودلـه

راشد السحيمي

ياليتك تفترس شاعر سليم وتاخذ المشعاب

معك نص البلد وشويه يجيك البلـد كلـه

انا ضيعتكم ياصاحبي في زحمة الركـاب

ماغير ابحث عنه وسط الزوايا واتعين له

ثنيان الرشيدي

انا سيفي من اول يالسحيمي يقطع الارقاب

وش اللي يحرجك لا تفتل الاشناب في ظله

انا بلشان في ناسن يقولون النبي نصـاب

وناسن يعبدون الفلس ناسن مالهـا ملـه

راشد السحيمي

تعلمني بسيفك يوم سيفك كان فيه نصـاب

لكن اليوم سيفك يالرشيدي ويش حاصل له

رسول الله تكلم به يهودي واليهود كـلاب

لكنك لا سمعت الهرج واجد لا تطبـل لـه

ثنيان الرشيدي

طلبتك لا تخلـي سالفتنـا شـب ياشبـاب

تجيك من السماء كل النجوم البيض منصلله

رسول الله تكلم به يهودي وانت حظنك غاب

يابو سيفن تحدونه على الفنجـال والدلـه

راشد السحيمي

انا تنزل علي نجوم مير انته عليك شهاب

بدون قصور لا تبرك لحملن ماتحمل لـه

يعاتبني على غلطه يايزن معاتب الاحباب

يقول انته تعمدت الخطيه قلـت لـه لله

ثنيان الرشيدي

بعد ماضاق صدرك والبحر موجه ماهو بتراب

الا ياليت لـك بطـنِ كبيـر وتشربـه كلـه

تبسم يالسحيمي بالثنايـا والطبـوع غـراب

ولكن مابقالك غيـر فـرض ويكتمـل صلـه
__________________