|
حبه بقلبي ما تغير له سنين
ياعين ردي دمعتك لا تهلين ...
دمع الفراق اللي يثير الشجوني... خلي المحاجر دامهم مستريحين... من طاري الفرقى وخيبة ظنوني... سريت ليل البارحه مدري لوين... واثر الخطاوي يم داره خذوني... ذاك الذي ابعدت لجله قريبين... وارخصت لعيونه قلوبن شروني... الي عليه القلب مقسوم نصفين... من غيبته نومي مجافي جفوني... وقفت عند الباب يمكنه يبين... واخاف من جيرانهم يشرهوني... سألت جدرانه وش العلم تكفين... وكن جدران الحجر جاوبوني... تقول ماظنه بيذكرك للحين... بعد السنين اللي مضت من تكوني... ثم قلت لو انه نسى ناس غالين... ماظنه بعهد المحبه يخوني...! قالت لو ان الوقت ضم المحبين... لازم مع مر الزمن يبعدوني.. حسيت بان الكون ضيق به البين... واقدام رجلي بعدها ما حملوني... لو ينتثر دمي بطعن السكاكين... تهون لكن غيبته ما تهوني... لاقلت ابنسى عشرته والعناوين... نبضات قلبي يم ذكره حدوني... مشتاق اشوفه..واعتذر للعذابين... مدام قربه لاحصل..يتركوني.. لكنه ابطى والشهور اقفت سنين... وحمل الفراق ان زاد تعجز متوني.. والي بقى في مقبل العمر بيتين.. بقولها دامي بعيش مغبوني.. يا عين هلي دمعة الغبن يا عين.. من طاري الفرقى وخيبة ظنوني.. حبه بقلبي ما تغير له سنين.. ولو كان عادي ما دمعت له عيوني.. |
رد: حبه بقلبي ما تغير له سنين
قصيدة حزينة وصح لسان شاعرها
يا عين هلي دمعة الغبن يا عين.. من طاري الفرقى وخيبة ظنوني.. حبه بقلبي ما تغير له سنين.. ولو كان عادي ما دمعت له عيوني.. ومشكور على نقلها نوووووووويعم |
رد: حبه بقلبي ما تغير له سنين
بدوي زاحف
اسعدني مرورك يالغلا |
رد: حبه بقلبي ما تغير له سنين
يا عين هلي دمعة الغبن يا عين..
من طاري الفرقى وخيبة ظنوني.. حبه بقلبي ما تغير له سنين.. ولو كان عادي ما دمعت له عيوني صح السان شــاعرها وسلمت يمين ناقلها كلمات مملؤه بالحزن وتنزف دموعها على معانيها وتنجرف تلك الكلمات الى قلب الذي وفاء وفارق وينسكب ذالك البوح الى اساطير الافراق وتنزف القلوب وتدمع العيون 0 نويعم ما أحزنها من ابيات وسعتنا بطرحك الرائع شاكر لك الطرح المميز وتقبل مروري0 الف تحيه لك0000 |
رد: حبه بقلبي ما تغير له سنين
ذاك الذي ابعدت لجله قريبين...
وارخصت لعيونه قلوبن شروني... من جد قوية وماللفراق الا عذاب راعية تسلم اخوي نويعم عالابيات وتقبل مرور يبكُل ود كُنتُ هُنا أسير الشوق |
رد: حبه بقلبي ما تغير له سنين
ابيات تدمي القلب قبل العين
ويا حرقة القلب ولوعته من ذلك الالم يعطيك ربي العافيه ع ما دونته لنا هنا انتظر روائعك العذبه بكل شوووق ودي لك . |
رد: حبه بقلبي ما تغير له سنين
مشكوووووور والله يعطيك الف عافيه
|
| الساعة الآن 03:16 AM |
Powered by vBulletin® Copyright ©2000 - 2024, Jelsoft Enterprises Ltd. Supported By Noc-Host