منتديات قبيلة المهيمزات الرسمي - مساجلة بين الشاعر/سهل نافع الرشيدي وهضيبان ابرهيم العتيبي

[align=center]
السلام عليكم ورحمة الله وبركاته

قصيدة ردية بن الشاعر سهل بن نافع الرشيدي
و الشا عر العلم / هضيبان ابراهيم العتيبي

لك ياأبونايف جزيل الشكر مني و التحـا يـا
طول عمري لك وفاء طيب المعزه ما يحيـدي
يا بعيد الشوف عن نظـرة مخميـن النوايـا
نظرتك عن قاصرين الشوف للحـد البعيـدي
والله انك موطـن الابـداع نبـراس الحمايـا
الذ كي ما يا صفونه يا العتيبي فـا البليـدي
ولا سمعت ان ال*** ساووه في راس الثنايـا
العرب تفرق مشاهير العـرب علـمِ وكيـدي
وأ نت راسٍ طايلِ بشمول جـزلات المزايـا
شمت للعليا عن الواطي وجملّـت القصيـدي
راس عزٍ طولوا طولـه حميديـن السجايـا
وللعرب حبٍ سكن قلبك ويجري با الوريـدي
وان رجعت لمنسبك عتبان مـا فيكـم ردايـا
لا بةٍ نالت وسام الطيب با المجـد المجيـدي
افتخر في ذكركـم والله عليـمٍ بـا الخفايـا
ايه أقول ان العرب ذخري وملجاي السنيـدي
جعل سلم البدو يبقى له الى المحشـر بقايـا
فيه اعيش بعزتي وان مت بوطانه شهيـدي
سجتي بطرف علاوي نجد ورجولـي حفايـا
في لهيب القايله عندي مثل قطـب الجليـدي
ما غبط سكان جو الغـرب كشـاف العرايـا
وسط جوٍ عظمة الخـلاق بسكونـه تزيـدي
بين مجمع سهب الوديـان وحـدوب النزايـا
تحتضني سيرة الهـادي لمولدهـا التليـدي
كني أنظر نور وجه المصطفى خيـر البرايـا
الرسول الهادي المبعـوث لليـوم الوعيـدي
يا كريم الجود يا الرحمن يـا معـط العطايـا
دلنا منهج طريق الحـق والـرأي السديـدي
واغفر الزلات يا من مالنـا غيـرك سوايـا
ما لنا حولٍ سوى حولك ولا غيـرك يفيـدي
وأ ثلج صدور العرب با القدس سرع بلا بطايا
حرره من حوزة الا نجاس وحصدهم حصيدي
يا الله انك تنصر الا سـلام وتـذل الطغايـا
اليهود اللي سعوا با لارض لأفساد العبيـدي
والختام أ قول يا را سٍ جمع طيب السجا يـا
لك تحايا سلم عبس ولك وفاء طيب الرشيدي

رد الشاعر = هضيبان ابراهيم العتيبي

مرحبا با اللي له الامـداح مـن كـل النحايـا
مرحبابه من هجوس الشاعر اللي ما تهيـدي
افتخر في معرفت را ع السـوا ليـف العذايـا
الأديب الشاعر اللي يصخـر البيـت المكيـدي
وا لله انه را س من روس(ن) على العليا طنايا
يو م كل (ن) يطلب العليا بمصقول(ن) حديدي
كاسبين الطيب والنامـوس مـع كـل اللغايـا
آخذين الحق وافـي دون شـرط ودون قيـدي
وان رجعنا لصلهم من عبس ما فيهـم دنايـا
من سلالة قيس ابن عيلان وعدنان العميـدي
المناسب طيبـه والفعـل تشهـد لـه نقايـا
الرجال اللـي تعـد النـور والحاقـد زهيـدي
اقرو التاريـخ عنهـم فيـه تلقـون الدهايـا
الدهاه اللي تضد الخصـم وتـدوس العنيـدي
كل ما اقوله صحيح وراجعـو كتـب الروايـا
شيخنا الجاسر وابو عقيل منطوقـه حميـدي
راجعو ماض الرجال اللـي بماضيهـم غنايـا
في غنا عما نقوله ميـر انـا حـر بنشيـدي
افتخر في سلم عبس وفي وفاهم مـع وفايـا
جعل سلم العُرب يبقـى للقيامـه مـا يبيـدي
ياسهل نافع هوا ك اللي تقولـه مـن هوايـا
مع ربوع البا ديه يا ليت منـزال او شديـدي
ماحلى سج القدم فـي نجـد وفياضـه ملايـا
مختلط فيه النبـات وطالعـن فيـه ال**يـدي
يا حلو شوف النبات ويا حلو شوف الرعايـا
مع رجا لاً حافضين السلم مـا فيهـم مريـدي
والله انه عندي ابرك مـن جلوسـي بالزوايـا
بين جدران القصور اللي لهوجاسـي تعيـدي
وغير طاعة معطي الجـزلات وهـاب القرايـا
ما لنا فخر ومكان ولا لنـا عـز(ن ) مديـدي
مع طريق المصطفى اللي قاد للديـن السرايـا
لجل تبليغ الرساله صار في جهـد وجهيـدي
يا عسانا مع طريقه ليـن تـا تينـا المنايـا
ما نصد ولا نبـدل ليـن نبلـغ مـا نريـدي
ويا عسى الله ينصر الا سلام ويغفر الخطايـا
ويدحر اعداء ملة الاسلام والمسلـم سعيـدي
[/align]

القصيدة منقولة