منتديات قبيلة المهيمزات الرسمي - قصيدة الغربة لمحمد حسين المويزري

((قصيدة الغربة))

ينتابني مـن صـادق الشـوق مـرات

مـا يثلـج الـصـدر و يـبـدد همـومـه

لحظات تاخذني على بعض الأوقات

يــوم ٍ بـالـي هــادي الفـكـر يـومــه

لأحبـاب تمنعهـم حـدود و مسـافـات

وأصحاب ٍ ادناهـم تنومـس علومـه

تجمعـوا مابيـن شـكـوى ونبـضـات

ليـن استقـروا فـي عوالـي رجومـه

سوالف اسمعها بصدري وضحكات

يفرح بها الجالـي علـى غيـر قومـه

مالي على ضيوفي معاتب وشرهات

حلـوا هــلا والـكـل شــرف قـدومـه

ليلـة سمـر جبـت قـديـم الـحـزازات

يسهر لهـا جفـن ٍ جـزع منـه نومـه

امطر عليها حـروف وتنبـت أبيـات

تزهر جراهيد الـورق مـن وسومـه

ريـاض وجنتهـا قصـيـد ورحـابـات

خالـج عبقهـا فيـض نفسـي ولومـه

فيها من القيصـوم و الشيـح جنـات

وفيها مـن شيـوخ النبـات وقرومـه

يلقى بها من يعرف الشوق لوعات

و يحـيـط مغـزاهـا بـغـزرة علـومـه

هيهات اجردهـا علـى الكـل هيهـات

مـن لا ارتقـا مالـي بـهـزة كمـومـه

عيـا جملهـا إلا الـدروب الطويـلات

ينفـي خبـث حيرانهـا فـي سمـومـه

أمـــا مـقـاديــم ٍ تـبـنــا و ذريــــات

ولا يكفـي مـن هـل السـوق سومـه

نيشانـهـا نـجـوم ٍ تـقـود المـجـرات

و رمايها صابت مضـارب سهومـه

بين ظلام الليل عن بعض الأصوات

وعسعس علي وغارت أكبر نجومه

ينتابـنـي شـعـر وخـيـال ومتـاهـات

اثلـج بهـا صـدري وابــدد همـومـه

الشاعر
محمد حسين المويزري