|
الببغاء وراعيه الغبي
كان فيه واحد ' على نياته '.. وكان عنده ببغاء يتكلم .. جرّب يستثمر أمواله ! مشكلة الببغاء .. إنه كل ما شاف راعيه قال: ياغبي .. يا غبي .. يا غبي! .. راعيه ضاق صدره.. وقرر ياخذ الببغاء لمدرب الطيور علشان يعدّله .. يا مدرب الطيور ..... شوف لك صرفة مع هذا الببغاء ........ كل ما شافني فشلني عند الناس ' غبي، غبي ' ! أبيك تدربه زين وتعدّل كلامه .. علشان يغيّر هالكلمات الي يرددها كل ما شافني ! قال المدرب : ما عليك .. خلّه عندي كم يوم .. ولما راح راعيه .. جاب المدرب ' سطل ' مويه حاااارة ....... وحطه قدامه .. وسأل الببغاء ...... أنا مين ؟ ! قال الببغاء : أنت صديق الغبي ! .. وينزله المدرب في المويه الحاااره ثم يطلّعه .. ويسأله .. أنا مين ؟ قال : أنت صديق الغبي .. وينزله في الموية مرة ثانية .. ثم يطلعه ... أنا مين ؟ وعلى هالحال .. حتى تربى الببغاء وتسنّع .. أخيراً ...... قال له المدرب .. أنا مين ؟ ! قال الببغاء : أنت صديق أذكى واحد في العالم .. ويوم جا راعي الببغاء .... قال المدرب: تفضل اسأله .. قال راعي الببغاء .. : أنا مين ؟! قال الببغاء : أنت مين ؟! وهذا سؤال !! ... أنت الذكي .... إلا أنت أذكى واحد عرفته في حياتي ! قال له راعيه : .. طيّب .. وإذا لعبت بفلوسي على كيفي ؟! قال الببغاء : .. هذي فلوسك .. من عرق جبينك .. تسوي فيها اللي تبي .. طيّب .... وإذا دخلت فلوسي عند ' الجمعة ' ؟ .. طبيعي .. تنويع استثماري .. من أذكى واحد في العالم ! طيّب .... وإذا دخلت فلوسي عند ' ابن حسن ' ؟ .. ذكاء خارق ... وماشي مع الحكمة اللي تقول ' لا تحط البيض في سلة واحدة ' .. فعلا أذكى واحد في العالم ! طيّب .. وإذا دخلت فلوسي في سوق الاسهم السعوديه؟ ! قال الببغاء : يا عمي هاااات الموية ! ..... قايلّك هذا أغبى وأثور وأدبش واحد في العالم !!__ __________________ مع تحياتي خيالــ الوجه |
مشكوووووور والله يعطيك الف عافيه
|
الله يعطيكـ العافيه
|
هااااااااااات الماء
لك الشكروالتقدير |
قصة طريفة وطرح مميز من خيال الوجــه
|
حلوة منك يا خيال الوجه ..
لاتعليق .. تحيااااااااااتي لك... |
يعطيكم العافيه على مروركم والله لو الببغاء لي مو اغطسه بالماء والله لغطسه بديزل
|
| الساعة الآن 11:27 AM |
Powered by vBulletin® Copyright ©2000 - 2025, Jelsoft Enterprises Ltd. Supported By Noc-Host