اتمنى من الجميع ابداء رأيه في الموضوع للضرورة
 

اتمنى من الجميع ابداء رأيه في الموضوع للضرورة

اولا اهلا بكم نورتوا متصفحي اتمنى من الجميع ابداء رأيه في الموضوع للضرورة
انا ماراح احط مقدمات لأن الموضوع صراحه منتشر ويحزن اي شخص له حس المسؤووليه والعاطفه

طبعا لاحظنا في الاونه الاخيره مشكلة الطلاق المبكر والطلاق في وقت الملكة او الغاء الخطبه
طيب انتي او انت ماتبون بنت او ولد الناس
ليه من البدايه مارفضتوا ,,
والمشكله تلقاها او تلقاه ماتبيه او مايبيها وتنطره لما يدفع المهر والعرس ويدفع تكاليف ماديه غير الاثار النفسيه ,,وبعضهم عندهم خير وبعضهم والله يالله يجيب المهر ,,,يعني حرام توهقين ولد الناس ,,او يجيك واحد مايبيها ولما يتزوجها يطلقها البنت توها في بداية حياتها تلقاها ماتعدت الثلاثين بأسباب تافهه زي وجهه ومستقبل البنت يروح واذا تزوجت ماراح يجيها عرسان كويسين زي ماكانت بنت امانه هذي سوات تسوونها بعيااااال الناس

الصراحه حاله مستعصيه ,,,,, لاويتطنزون على الناس اللي يرفضون العرسان هذي مغروره وهذي وهذي ,,على الاقل مااوهق ولد الناس واجيبله مشاكل نفسيه وماديه من البدايه ارفضه , دامني ماابيه ومايناسبني على الاقل في هذي الحاله اكون ضريت نفسي ,,, ماضريت ولد او بنت الحلال وضريت نفسي في آن واحد

شكرا لكم جميعا واتمنى اسمع آرائكم

مشكوووووور والله يعطيك الف عافيه

حضور الدورات التي تقدم بالمجان قبل الزواج مهمة للزوج والزوجة حتى ولو وجدها البعض غير مهمة , لأن الواقع يقول أن الجيل الحالي لايتمتع بصبر وقوة عزيمة يمكن من خلالها

مصارعة مصاعب الأحداث لذلك تجد حالات الطلاق منتشرة . وهذه ظاهرة كبيرة للأسف .

شكرا على الطرح المجدي والنافع أخي الكريم .

فيصل ..

انا كتبت بالمدونه عن الطلاق ..

و قلت بنحاول نبين أسباب الطلاق المبكر ..

من يشاركني حيااااه ..

طبعا لقيت الموضوع هنا ...

و نبي حواااار يدور حووول هذا الموضوع ..

بنحدد له وقت ان شاء الله وناقشه .. و كل شخص يجيب له قصه يعرفها ..

و الأسباب عشان نعرف نتعامل مع هالمشاكل ..

.............

بالنسبه لموضوعك ..

انا واحد من الناس اللي كتب كتابه على وحده من بنات الناس ..

و هي قريبه لى ..

و خطبتنا استمرت كم سنه .. و لما كتبت الكتااااب جلسنا سنه ونص ..

و بعدها طلقتها .. لكن هم من طلبوا الطلاق .. لأني ما ابي أعرس بدري هذا أول سبب ..

و بسبب ظرووف الوالد المفاجأة .. وامور خافيه ما يعلمها ألا ربي ...

و السبب الثاني يبوني أسكن بالكويت و أنا مستحيل اسكن فيه ..

المفرووض هي من تسكن عندي .. مو انا أروح أسكن عندهم ..

و للأسباب هذى طلقت ...

المره الثانيه خطبت ... لكن كان عن طريق ابوي .. هو من جاب لى البنت ..

و انحرجت اقوله لا .. قلت بكيفك .. و استمرينا سنتين ..

بعدها لخلافات عائليه بيينا و بينهم .. فصخوا هم الخطبه ..

و فمهنا منهم يبون العرس السنه هذى .. و أنا ماحولي عرس ..

و السبب الثاني تعذروا فى مرضى ..

للامانه كنت أقدر أعرس .. لكن يبي لى فلوووس .. من وين .. ؟؟؟ !!!!!

ما هو أنا من خطب و قلت يا يبه أخطب لى مره ثانيه .. هو من جاء و قال بنخطب لك ..

المفروووض نتخرج و نجلس سنتين .. ونجمع على الراحه بعدين نخطب ..

التعثر فى الدراااسه سبب .. والظروووف الصحيه سبب ..

و بنفس الوقت الوالد خطب ثانيه ويبي يتزوج .. و هذا سبب يردني عن الزواج كله ...

مستحيل اتزوج في وقت أبوي يبي يتزوج فيه ..

المفرووووض نساعده أقل شيء أنه يوفق بين زوجته الاولى و الثانيه ..

مو نضيق عليه .. و نتزوج .. و تصعب الأمور ...

واحد منا لازم يضحي .. و هذا سبب فصخ البنت الثانيه للخطبه .. او من أسبابها ..

الحياه يا فيصل صعبه .. و صدقني الزمن هذا .. حتى الشيبان أختلفت أمورهم ..

ما هم بس الشباب .. صاروا ستزوجون و يطلقون ..

و يرحمون بنات الناس من لذة الحياه .. و لا حتي يفكرون فيهن بعد طلاقهن ..

و يا كثر ما دعيت لأول وحده اخذتها أن ربي يرزقها حتى فى مكه ..

و يا كثر ما دعيت لثانيه .. لاني أخاااف أني أنا المخطي في حقهن ..

و قررت بعدها .. ما من زووااااج ألا من 35 وفووق ..

لما تتعدل الأمور .. ليه نضيع بنات الناس .. و نضيع نفسنا معهن عشان زواااج ..

فيه تفصيل طوووويل .. بتكلم عن بالمدونه ..

عن البنات و عن الرجاااال ..

كل واحد مسؤل منهم .. ما نقوول الغلط على واحد منهم .. عليهم كلهم ..

شاكر لك يا فيصل .. و تعجبني بمواضيعك ..

تحياااااااتي لك ...

اسباب الطلاق هو الاقتداء بالغرب
فتجد الفتاة تريد شاب عصري يعيشه في اجواء من الرومانسية ولا تعلم بان الخلاف من سنة الحياة بل حتى ان بعض المتزوجين خصوصا القديمين يقول الخلاف له نكهه .

وتجد الشاب يريد فتاة مقدرة وفاهمة لما يريد بينما هو ابعد مايكون عن فهم معاني مايريد في زوجته