منتديات قبيلة المهيمزات الرسمي

منتديات قبيلة المهيمزات الرسمي (http://www.almohemzat-abs.com/vb/index.php)
-   ◄ منتدى عيون الشــعر ► (http://www.almohemzat-abs.com/vb/forumdisplay.php?f=35)
-   -   الناس ماخلت بشر (http://www.almohemzat-abs.com/vb/showthread.php?t=10967)

علي حماد 10-Nov-2010 12:31 AM

الناس ماخلت بشر
 
السلام عليكم ورحمة الله وبركاته

من القصايد الخالدة في تاريخ الشعر الشعبي للشاعر .... عبدالله بن سبيل

! !

!





ياالله يااللي تسجد النـاس لرضـاه
ياوامر ٍ خلقـه علـى حـج بيتـه
تفرج لمن سده على الناس ما ابداه
راضي على مقسومك اللي عطيتـه
من شي يسل الحال والجسم يبـراه
والناس مايشفونـه ان مـا شفيتـه
قلت آه واجرحـاه مـن علتـي آه
وان حملوني حمـل غـي ٍ قويتـه
قالو سفا بالحال ويش اللي اغـواه
قلت آه ويش المنكر اللـي وطيتـه
قالو جهلت وبـان علمـك لمنهـاه
قلـت اه علمـي يامـلا ماكميتـه
قالو طلبنـا لـك مـن الله معافـاه
قلت آه وحدتـه وعفـوه رجيتـه
قالو هله واحباب عينـه نصحنـاه
قلـت آه هــذا واردٍ مابغيـتـه
قالو ندور لك من البيـض حليـاه
قلت آه لو غيـره بكفـي رميتـه
قالو نشاش العُـود مالـك بلامـاه
قلت آه عُود المـوز بيـدي لويتـه
قالو تـزوج كـود تدلـه وتنسـاه
قلت آه لو خذت اربـع ٍ مانسيتـه
قالو من اقصى الناس وين انت وياه
قلت آه ما انسى يوم جاني وجيتـه
قالـو نشوفـه عنـد هـذا وهـذاه
قلت آه عمره ماعقب حـج بيتـه
قالـو عليـل وناقـل ٍ داه بـرداه
قلت آه باقرابـي وروحـي فديتـه
قالـو نشيـر ولا نفـع ماحكينـاه
قلت آه هـراّج النمايـم عصيتـه
قالو كثـر شيبـك وقلبـك بعميـاه
قلـت آه لوقلبـي غريـر ٍ نهيتـه
مطـاوع ٍ قلبـي بعجفـاه وقـداه
والى عطى منهاج درب ٍ عطيتـه
ياناس خلـو كـل وادي ومجـراه
قلتـو كثيـر وقولكـم مـا لقيتـه

بنت ابوي 10-Nov-2010 12:34 AM

رد: الناس ماخلت بشر
 
الشعووور الي تتجااهك


قصيدده رائعه



لا عدمنااااااااك


دمت لمن تحب

فلاح المهيمزي 10-Nov-2010 01:07 AM

رد: الناس ماخلت بشر
 
يوم الركايب عقبن خشم آآآبانات = ذكرت ملهوف الحشى من عناايه

عبد الله بن سبيل رحمه الله


وبارك الله فيك على النقل والاختيار الموفق

ارق تحيه

ابوعلي المهيمزي 10-Nov-2010 01:11 AM

رد: الناس ماخلت بشر
 
صح لسان الشاعر
ويعطيك العافيه على النقل

نـbــع آلـوfـــأء 10-Nov-2010 02:03 AM

رد: الناس ماخلت بشر
 
صح لسان الشاعر وسلمت انامل الناقل

معيبد الرشيدي 10-Nov-2010 03:34 AM

رد: الناس ماخلت بشر
 
مطـاوع ٍ قلبـي بعجفـاه وقـداه
والى عطى منهاج درب ٍ عطيتـه
ياناس خلـو كـل وادي ومجـراه
قلتـو كثيـر وقولكـم مـا لقيتـه


الله يرحم الشاعر الكبير / عبد الله ابن سبيل ،
شاعر غني عن التعريف و قصائده سارت بها الركبان ،
الشعور اللي تجاهك

مشكور على النقل المميز ، و هذا يدل على سمو ذائقتك ،

تحياتي لك .

:oo5o.com (25):

علي حماد 10-Nov-2010 08:03 AM

رد: الناس ماخلت بشر
 
شرف
لي
مروركم
العطر
تحياتي


الساعة الآن 03:52 PM

Powered by vBulletin® Copyright ©2000 - 2025, Jelsoft Enterprises Ltd. Supported By Noc-Host

Ads Management Version 3.0.1 by Saeed Al-Atwi

HêĽм √ 3.1 BY: ! ωαнαм ! © 2010