طلع سهيل
 

[poem=font="mudir mt,6,black,bold,normal" bkcolor="transparent" bkimage="" border="outset,5,silver" type=2 line=0 align=center use=ex num="0,black""]
طلع سهيل وذعذع(ن) النسانيس=هب البراد وراح حر السمومي
الجو يسوى جو لندن وباريس=والبر زانت طلعته كل يومي
وين أنت يا راع الوفا متعب العيس=اللي على قطع الفيافي عزومي
ساس الرجال امبعدين المراميس=من فزعته شرواه حظه يقومي
تشره عليه وشرهته تخزي إبليس=شرهة رجل ماهي بشرهة رخومي
لامنّها تزاحمت يخلي الكيس=زبونها يوم إن كل(ن) يسومي
يجود لاشحّت يدين المفاليس=مايخيب فيه الظن عند اللزومي
يشوم مايتبع طريق الهلابيس=عن الطّمان بعاليات الرجومي
أفخر برفقة كاسبين النواميس=تشدني خوة خيار القرومي
للخير خير وللمعادي مقابيس=دايم سوالفهم بزين العلومي
ماهي علوم أهل الوجيه المعابيس=ماتعرف المفطر من اللي يصومي
رماد نار تضيع فيهم حراسيس=ياليت ربي حط فيهم وسومي
عنهم يسليني هجاد الغطاليس=والبعد وافجوج الوسيعه يمومي
والصّمت والعزّه وبيض القراطيس=وعرف النشاما طيبين السلومي
وشوف الجبال مزبّنات القرانيس=وشوف الفياض الخضر بين الحزومي
يداوي الضيقه وكثر الهواجيس=عن المكان اللي يجيب الهمومي
أروي ضما ليلى ومجنونها قيس=إثنينهم من كل عيب امحشومي[/poem]

رد: طلع سهيل
 

صح لسانك واعتلى شانك

قصيده جميله من شاعر جميل

ننتظر بوح قلمك القادم

عايض الرشيدي

كن بخيرا

رد: طلع سهيل
 

صح السانك أخوي عايض كلمات
في منتها الروعه كلمات اذبتت
وجوده وتمكنت بي مكانتها
مره أخرى صح السانك
تقبل مروري وخاللص تقديري

رد: طلع سهيل
 

رد: طلع سهيل
 

هلابك وحياك الله وكل عام وانت بخير
صح لسانك على هذه القصيده الجزله من شاعر جزل لاهنت

رد: طلع سهيل
 

صح الله لسانك مليون ولايسدون

على هذه الشامخه كـ شموخ الجبال

شاعرنا القدير عايض الرشيدي

لك ارق التحايا واصدقها

رد: طلع سهيل
 

الشاعر/ عايض

كل عام وانت بخير

وعساك من عوادة

صح السانك قصيدة روعة في الوصف والجمال

تقبل مروري