مبروك لكن
 

[poem=font="simplified arabic,4,black,bold,italic" bkcolor="transparent" bkimage="" border="solid,4,gray" type=1 line=1 align=center use=sp num="0,black""]
زهره من الجوري لكم تنفح الشوق=بحلول هذا العام عام التعاسه
فيه الفتن فيه المصايب على ذوق=واكبر مصيبه يوم تطري السياسه
ما دمت فوق القاع لا تنظر لفوق=خايف تصيبك نظرتك بانتكاسه
وما دام خفاقك من الضيق مسحوق=لازم تبين للعموم الوناسه
ما جيت ابارك لك وانا كلي حروق=بل جيتك انهي ما بقى من حماسه
الليل شكل من على المجتمع طوق=والدمع له مشروب والضيق كاسه
والناس غرقى بين عاشق ومعشوق=والموت حارس لكن اية حراسه
العيد والبسمه بالاحزان مرفوق=والضيق يا قوه ويا قو باسه
غنيت لآلامي من الجوف طاروق=يوم العنى فصل لي اخر لباسه
قلبي معى ضيقة لحاسيس مخلوق=من عادني طالب بصف الدراسه
واليوم قلبي ذاب في كل معلوق=اصبحت انا المطلوب يا اهل الفراسه
من عقب ما كنا على كل شاهوق=قامت تناتفنا يدين النجاسه
انا اشهد ان الجرح يا ناس مرموق=يروي هوى راسي ويكوي عماسه
ابغى ابارك بس يخنقني الشوق=مبروك بحرف الشقى والسراسه
صار الفرح في داخل الروح مخنوق=يا وين ابا القى بين ذا الخلق ناسه
فقر والم يفتح على غاربي سوق=حتى غديت انا دعاية مقاسه
ما حد معي سابق ولاني بمسبوق=ما دمت اسطر ذكريات البآسه
ثم قمت اردد كل مطرود ملحوق=واللي لحقته جاه ضيقي وحاسه
عرفت للحق اتجاه وله حلوق=والعز باقي في علوه قياسه
والغيم لا من ثار في جوفه بروق=ماهو لزوم يهل دمعة حواسه
ابثها بسمي على كل منطوق=مبروك لكن بنتشار التعاسه
[/poem]

رد: مبروك لكن
 

صح اللسانك ياشاعرنا وبيض الله وجهك


تقبل مروري

رد: مبروك لكن
 

صح لسانك على القصيدة الجزله التي بها صور شعريه عذبه
ومعاني قويه جدا وروعه جميله
وقوة في الابيات والكلمات
التي لايمتلكها الا شاعر فذا بها
مثل ناصر الشريف
دائما متميز والى الامام وبتوفيق
وتقبل خالص تحياتي

رد: مبروك لكن
 

صح السنانك اخوي
شاعر جزل كم من
عذوبة اشعر تتصفها
شاعر بي معنى الكلمه
تحياتي وخالص تقديري وحترامي

رد: مبروك لكن
 

كما تعودنا من ناصر الشريف كل جزل اليوم اتحفنا بقصيده من الطراز الثقيل
قصيده وافيه تبين معاناة شاعرها
من القلب شكر على هذا التميز

رد: مبروك لكن
 

رد: مبروك لكن