منتديات قبيلة المهيمزات الرسمي - يابشر تكفون حلو عن سمايا...

منتديات قبيلة المهيمزات الرسمي (http://www.almohemzat-abs.com/vb/index.php)

- ◄ منتدى عيون الشــعر ► (http://www.almohemzat-abs.com/vb/forumdisplay.php?f=35)

- - يابشر تكفون حلو عن سمايا... (http://www.almohemzat-abs.com/vb/showthread.php?t=13214)

يابشر تكفون حلو عن سمايا...

http://www.4nw.net/files-02/4gY52457.jpg

يابشر تكفون حلو عن سمايا
مايصيب الهرج لو الهرج صوبي
كم سكت لكم بما فيه الكفايه
اشتموني لو زعلتوا واشمتوا بي
عيبوني واتركوني في عمايه
واتركوا لي واحدٍ يرضى عيوبي
اتركوا لي واحدٍ يمسح شقايه
كل ماحط الزمن دوبه و دوبي
ذاك والله لا ذكرت انه ورايه
أشعر ان الكون كله وسط ثوبي
يكفي انه لو يسولف للمرايه
كنّ صوته يهمس لصورته ذوبي
كيف انا ما اذوب مادامه معايه
اسمعه واسهر معه لاخر ذنوبي
كل ما قال: السهر درب الغوايه
قلت: كله من عيونك هبّلوا بي
كل ماقال: الخطا ماهو خطايه
قلت له: قل للعيون السود توبي
ضيعتني واسأل الله الهدايه
وين اجيب العقل؟؟ اجيبه من جيوبي!
من يعرفك ما يدل العقل رايه
ياشروق العمر مدري يا غروبي
أذكر انك كنت لي مثل الهوايه
لو تروح ولو تجي يبقى شحوبي
بس مدري كيف صرت اليوم غايه
صرت اجي واروح مدري عن دروبي
يا بعد عمر الكتابة والقرايه
يا الشمالي يابو الملح الجنوبي
لا قريت اللي كتبته يا رجايه
رح وبلّغ ربعي اللي جننوبي
قل لهم يمكن يخلّون الوشايه
وان تمادوا خلّهم مهمها حكوا بي
انت خلك بس ف الدنيا عزايه
لا تفكر ف العواذل وانت صوبي
ادري انّه كل درب وله نهايه
بس انا باقي معك لاخر دروبي

ابيات للشاعر فهد المساعد راقت لي
:oo5o.com (25):تحياتي لكم:oo5o.com (25):