منتديات قبيلة المهيمزات الرسمي - دنيا طغا فيها على الله فرعون

منتديات قبيلة المهيمزات الرسمي (http://www.almohemzat-abs.com/vb/index.php)

- ديوان الشاعر/خليف الوهيداني (http://www.almohemzat-abs.com/vb/forumdisplay.php?f=188)

- - دنيا طغا فيها على الله فرعون (http://www.almohemzat-abs.com/vb/showthread.php?t=15067)

دنيا طغا فيها على الله فرعون

البارحـه كنـي مـن الضـيـق مجـنـون
امشـي جنـوب وحاجتـي بالشمالـي

واون مثـل اللـي بـلا ذنــب مسـجـون
الـلـي يــون مــن الـقـهـر والنـكـالـي

ماضيقتـي مـن هـرج نـاس يهـرجـون
وماضـاق مـن هـرج القفـا يـوم بالـي

ولاني من المقسوم ضايق ومحـزون
راضـي بكـل الـلـي مــن الله جـالـي

واهـل الـردا لـو فــي قفـايـه يـذمـون
ماعيـبـوا ذكــري لـيــا جـــا مـجـالـي

ان كان من طبعي والافعـال مصيـون
ماشوهـو ذكــري بقـيـل(ن) وقـالـي

دنــيــا تـقـلــب والاوادم يـشــوفــون
مـاهـي علـيـه فــي غثـاهـا لحـالـي

مـادامـت الـدنـيـا لناس(ن)يحـكـمـون
دارت عـلـيـهـم جــايـــرات الـلـيـالــي

وهانـتـهـم الـدنـيـا قـبــل الايـمـوتـون
وحصل لـهـم شـيـن مـاهـو بالخـيـالـي

منهـا اعتـبـر يالـلـي بدنـيـاك مفـتـون
دنـيــاك قـافـيـهـا الـفـنــا والــزوالــي

شف شعب تونس ويش فيها يسوون
وشف مصر فيها وش حصل بالمثالي

وشـف ليبيـا فيهـا الرجاجـيـل يبـكـون
اربـــع شـهــورن مـايـكـف الـقـتـالـي

وشف اليمن والشـام فيهـا يصيحـون
كـل(ن)بـهـن يـقــول مـاتــو عـيـالـي

دنيـا طـغـا فيـهـا عـلـى الله فـرعـون
يقـول انـا الخالـق وهــي كلـهـا الــي

وعـز الرجـل ماهـو بعشـريـن ملـيـون
والــمــال مـايـرفــع ردي الـرجــالــي

كــم واحــدن مـافـك بالـمـال مـديـون
لامـــن بـعـيــد ولاقـريـب(ن)مـوالـي

لــو ان فـيـه الـنـاس لـقـبـل يـحـيـون
لجـل المصالـح مـن خبـيـث القبـالـي

الرجـل مـن ياقـف لـيـا قـيـل تكـفـون
والـلــي يـقــف للـكـايـده والـثـقـالـي

مشهـود فعلـه ماهـو هـرج ويقولـون
والطـيـب مـاهـو ورث جــد وخـوالــي

ملك الذي في حـزت الضيـق ينخـون
والـلــي بـحــزات الـشـدايـد ظـلالــي

مـثـل الــذي لـعـل ذكـــراه مـاتـهـون
الـلـي رقــا بالطـيـب رؤس الطـوالـي

عز الرفيق ان جـاه ضايـف ومشحـون
مرخـص لنخـوا صاحـبـه كــل غـالـي

فـهـد ابـوفـارس لـيـا انـبــاح مـكـنـون
الـلـي رس لـطـيـب مـثــل الجـبـالـي