منتديات قبيلة المهيمزات الرسمي - ايام تحمل طيات الماضي

ايام تحمل طيات الماضي

كان صغير , وكان يعاني من ضرب ابوه وقسوته , واذا سلم من ضربه يخاف من كلامه , يتمنى يضربه مليون مره ولا يسمع منه اي كلمه , لمن كان يبكي يهرب ويروح تحت درج الجيران , يجلس ويدينه على عيونه , ويبكي ويشهق كثير , تتقطع انفاسه , كان فيه بنت جالسه تناظر فيه , تلتزم الصمت وماعندها تعليق , تنتظر لحظة سكوته , هي ماتحب تشوفه يبكي بس لازم توقف من شانه , مجرد مايمسح دموعه وتخف الامه , تناديه وتقول : ( يلا تعال خلنا نلعب , انا ابعد من 1 الى 10 وانت اتخبا ) .

هذي هي ذاكرته اللي تحكي مو هو , والا الزمن تكفل انو يمحي ذكرياته وينسيه ماضيه .

كبر الولد , وكان يتقدم بالعمر , كان يعشق المرايا , مو لشي , بس يتمنى يشوف شاربه يخط (( يعني يصير رجال مثله مثل باقي الرجاجيل لو ان اليوم الشارب مايمثل شخصية الرجال )) , وفعلا انتقل للرياض و التحق بالجامعة , وطلع لدنيا غريبه , ولعالم اول مره يعيشه ويشوفه بعينه , حس انه متخلف ورجعي وغير حضاري , شاف شباب يلبسون اخر الموضات والماركات (( وان كان مايهتم بهالاشياء غير البنات مع احترامي لهم ويحق لهم لانو لايق عليهم )) , هو كان بثوب وشماغ وعقال ابو ميله , لباس تقليدي لمجتمع محافظ وسليم العقيدة والمذهب , سدد رسوم السكن الجامعي لانو قريب من الجامعة , دخل من باب الكلية في اول دوام له , وتعرف على القاعات وتعلم كلمه جديده اسمها كوفي شوب ...................

الجزء الثاني بالانتظار