منتديات قبيلة المهيمزات الرسمي - لين أدفى .. ضـــــمّني

لين أدفى .. ضـــــمّني .. محتاج يا عمري دفى

طال ليـــــل البرد و الميـــــــعاد بالثلث الاخير

ادعي الله .. يا عســــــــى ألقى لـ ايامي صفى

ودّي انســــى كل ما حولي و لا اذكر هجـــــير

مرّني بـ احلامــــــــــــي السودا و بيّن ما خفى

لـ متــــى في ظلمة الاحــــــزان يربطني مصير

كنت انا المجـــــــــــروح و ادوّر لـ آهاتي شفى

ايه كنـــت و لا مكنـــت و ضقت من كلمة كسير

افتـــــــــخر بالحزن الاول و افتخر بـ آخر جفى

و افتـــخر إني لقـــــيتك و افتــــــــخر إني كبير

اختلف فينـــــي الكثير و لا بقـــــى الا كفـــــــى

حب ســـــــامي احتواني و انتهى الدرب القصير

في بياض الثــــلج من طهـــــــر المحبه و الوفى

لمنّي بســــــكر على صــدرك و بحساس الحرير

ابتدى فينــــي جنون العشــــق من لـــــحظة لفى

نور حبّك و الهيــــام اللـــــي تســـلمني عشــــير

انتهـــــت كل المــــلامح و القـــــــلم حزنه عفى

ليـــــت شعــــري يا حبيبي يشرح العشق الغزير

ما تعـــــرف انك على بالــــــــي و قلبي ما غفى

احتــريك و كــــل ما فينـــــــي لـ احضانك أسير

انتصــــف عمــري على شمعه .. و بنفاسك طفى

حرّ جوفي من لهــــيب الهــــــــم يا نور الضرير

لو سألت القلب . . جاه الحزن .. من حبك .. نفى

مـــن يلــــوم القلب لـــــو انكـر علامات الحصير

ذاق قربك .. عاف بعدك .. اهتــــوى حتى الحفى

ما تملل مـن طــريق الحـــب و اســــرع بالمسير

ليه اداري .. لـــــــذّة الاشواق .. حتى لو ( آفا )

قالــــها اللي ما عـــــــرف طعم المحبه و العبير

ليــــــن أدفى .. ضمنّي .. محتاج يا عمري دفى

طـــــــــــــال ليل البرد و الميعاد بالثــلث الاخير