منتديات قبيلة المهيمزات الرسمي - تلعب معه لعب الثنين المواليف

منتديات قبيلة المهيمزات الرسمي (http://www.almohemzat-abs.com/vb/index.php)

- ◄ منتدى عيون الشــعر ► (http://www.almohemzat-abs.com/vb/forumdisplay.php?f=35)

- - تلعب معه لعب الثنين المواليف (http://www.almohemzat-abs.com/vb/showthread.php?t=16570)

تلعب معه لعب الثنين المواليف

يهاجسي ود الروابع وجبها
درجبها خبت الضلوع المهاديف
وصرف لحنها من نفايس ذهبها
حشمة عسير مدسمت شارب الظيف
في ليلة(ن) متجلي(ن) حس ادبها
لشعر صوت وللقصايد مواقيف
رد السلام أشهى من الغيم وابها
لاحاشته ريبه ولاداخله زيف
سلام ياشيخن على قمة أبها
يزها شموخك نايفات المشاريف
سلمت لبها يابشاير شببها
يامن يلوم ابها وفي كفها السيف
هدولها الحر العديم وعجبها
جتله على كيفه وجاها على الكيف
ومرت سنه والفيصلي ماحسبها
لين أستهلتله من الرجم ليا السيف
رتب ظفايرها وكحل هدبها
ولبس ترفها زاهيات النفانيف
حتى ليمر المطر وصطحبها
تلعب معه لعب الثنين المواليف
أمهلها لين النعاس يغلبها
وظفا عليها مشلح العز تشريف
فيصل ولد خالد معلي رتبها
هذا الامير وخل عنك السواليف
................................
الشاعر
مساعد الرشيدي