|
ليش انا قبل الزواج كنت اناديها " الغلا "
ليش انا قبل الزواج كنت اناديها " الغلا " وكنت اناديها " الغرام " و " بعد أُمي وابوي " و " ضحكتي .. وابتساماتي.. وبلسم جرحي المفتوح وجروحي " وعقب ما ربي جمعنا .~ واجتمعنا وصرنا أُسرة وصرت انا واياها جميع نصحى وننام ونشرب بكاس الغرام ويوم اناديها تجيني ما تأخر وتقول " ســم ..!" و " لبي قلبك يا بعد قلبي انا " صرت اناديها عقب ذاك الغلا " هيه.. وينك يامره ..؟!" ليش انا قبل الزواج كنت اكلمها واسولف واقضى ساعات وزمان واحتريها وحتى لو تأخرت .. او اخلفت ميعادها ما ازعل عليها لاإا ولا حتى اعاتبها شوي وكنت اشوف عيوبها بعيني جمال ونقصها بعيوني هو معنى الكمال ويوم صرنا مع بعضنا لو حكت لي كلمتين او سولفت .. او مازحتني وضحكت قلت : كافي .. بس .. ما ابي قلة ادب " واعتقد يكفي كلام وبربرة ..!!" يااااه ! بعد ماكان الحكي بشفاهها ينقط عسل صار بتاليها حكي..؟! لآآآ وليته حكي .. صار اسمه " بربرة .. أو ثرثرة ..!!" ليش اراضيها منوّل يوم تزعل وما آتحمل بس لو لحظة زعل وكنت ادللها واموت بضحكها واقول " آسف يا غلاي " واكتب [ اجمل بيت شعر ] لعينها لين ترضى وعقب ما ربي جمعنا من تزاعلني اقول لها " في بليس .. طقي راسك بالجدار أنتي حي االله بقرة ..!!" وربي احنا صدق [[ مرضى عشق ]] واشواق ومشاعر وعشقنا من دحدرة في دحدرة ماعرفنا وش معنى البنت ~ ولا عرفنا قدرها ولا وفاها بصدرها وما حكينا عن غلاها ولا صفاها ولا هواها ولا دفاها بس نتكلم على ثرثرتها وبربرتها وحكيها السامج ما نخاف الله يعاقبنا وهي عطر دنيانا وهوانا ~ بدونها تظلم سمانا ... بدرنا في خدها ~ وصبحنا في قدها ~ وشمسنا بكفوفها ~ وربي وردة .. يا عز‘ من شمها ~ وغيمةٍ تمطر حنان .. والحلا في دمها ~ وشكل بسمتها جنان .. والكرز في فمها ~ وبن عمتها المطر .. وغيمة الشوق أُمها ~ و ولد خالتها الربيع .. والزهر هو عمها ~ وخصرها دنيا لحاله .. حظ صدرٍ ضمها ~ وريقها نكهة عسل .. والعطر في كمها ~ وشهي الدنيا اذا مابه بنات ..؟! صحراء مافيها ربيع ! وعيون كاسيها الوجل ! و وجيه ما فيها امان ! وطفل يبكي ! وشيخ يشكي ! ودنيا مافيها رفيق ! وصحبة ما فيها وفاء ! وقلوب ما فيها حنان ! وما احدٍ يرحم احد ! |
رد: ليش انا قبل الزواج كنت اناديها " الغلا "
خاطره من اجمل ماقرأت
رائع بروعة طرحك تميزت بتواجدك لك بصمه في كل مكان وهذا الشي واقع في أنحاء المملكه..!! تقبل إعجابي وإحترامي |
رد: ليش انا قبل الزواج كنت اناديها " الغلا "
ﺑﺼﺮﺍﺣﻪ ﻛﻞ ﺍﻟﻜﻼﻡ هذآ ﺣﻘﻴﻘﻪ ﻭﺍﻧﺘﺸﺮ ﺑﺸﻜﻞ ﻛﺒﻴﺮ*..
نفس الي يقول" ليس كل حب يجب ان يتوج بالزواج فالزواج يفسد لذة الحب"... ﻭﻟﻌﻠﻤﻲ ﺍﻥ ﺍﻟﺤﻴﺎﻩ ﻓﻲ ﺑﺪﺍﻳﺘﻬﺎ ﺗﻌﻄﻴﻚ ﺣﻼﻭﺓ ﻭﺷﻮﻕ ﻛﺒﻴﺮ ﻭﻋﺸﻖ ﻭﻏﻴﺮﻩ..، ﻭﺳﺮﻋﺎﻥ ﻣﺎﺗﺰﻳﺪ ﺍﻟﻤﺸﺎﻛﻞ ﻭﺍﻻﻳﺎﻡ ﻭﺗﻘﺴﻰ ﺍﻟﺤﻴﺎﻩ ﻭﺗﺘﻐﻴﺮ ﻣﺠﺮﻯ ﺍﻟﺤﻴﺎﻩ ﻭﺗﺼﺒﺢ ﻋﺎﺩﻳﻪ ﻻﻃﻌﻢ ﻟﻬﺎ*،،! ﻛﻤﺜﺎﻝ ﺍﻧﻚ ﺍﻟﻴﻮﻡ ﺗﺤﺐ ﺍكله معينه ﻭﺍﻭﻝ ﻣﺮﻩ ﻓﻲ ﺣﻴﺎﺗﻚ ﺗﺎﻛﻠﻪآ وﺗﻌﺸﻘﻪآ ﻭﺗﺴﺘﻤﺮ ﻓﻲ ﺍﻛﻠﻪآ ﺍﺳﺎﺑﻴﻊ ﻟﺤﺪ ﻣﺎﺗﻤﻞ ﻣﻨﻪآ ﻭﺗﺎﻛﻠﻪآ ﺍﻭﻗﺎﺕ ﻭﺍﻭﻗﺎﺕ ﺗﻤﻠﻪ*..يعني لأنك تعودت عليهآ.. ﺍﻇﻨﻬﺎ ﻫﻲ ﻃﺒﻴﻌﺔ ﺍﻟﺤﻴﺎﺓ ﺍﻟﺒﺸﺮﻳﺔ*.. ﺍﻻﻧﺴﺎﻥ ﻟﻴﺲ ﻗﻨﻮﻋﺎ ﺑﺸﻲﺀ*أبدآ"..! .. "السيف آلصآمت /' .. خآطره قمه بالذوق والابدآع بجد رآقت لي.. كلمات قمه بالروعه ..، ﺗﺴﻠﻢ ﺍﻳﺪﻳﻨك ﻭﻳﺴﻠﻢ غاليك ﻭﺭﺑﻲ يديمك بآحسن حآل يآرب ...،، |
رد: ليش انا قبل الزواج كنت اناديها " الغلا "
جميل هذا الطرح
هو الواقع ابدعت يا صديقي شكرا لك |
رد: ليش انا قبل الزواج كنت اناديها " الغلا "
مشكوووووور والله يعطيك الف عافيه
|
رد: ليش انا قبل الزواج كنت اناديها " الغلا "
عذرآ اخوي اسير الصمت اخطئت بالاسم :)
كل الشكر لك ولكن تشابه الالقاب شوش تفكيري... دمت كمآ تحب بإذن الله |
رد: ليش انا قبل الزواج كنت اناديها " الغلا "
لاتوفيها الكلمات ولاتعبر عنها الحروف فيها قمة الابداع والاحساس دمت كما تحب
|
| الساعة الآن 11:34 AM |
Powered by vBulletin® Copyright ©2000 - 2025, Jelsoft Enterprises Ltd. Supported By Noc-Host