منتديات قبيلة المهيمزات الرسمي - البارحه ليل العنى والشقا طال

منتديات قبيلة المهيمزات الرسمي (http://www.almohemzat-abs.com/vb/index.php)

- ◄ منتدى عيون الشــعر ► (http://www.almohemzat-abs.com/vb/forumdisplay.php?f=35)

- - البارحه ليل العنى والشقا طال (http://www.almohemzat-abs.com/vb/showthread.php?t=19040)

البارحه ليل العنى والشقا طال

البارحة ليل العنا والشقا طال
والارض ضاقت لو رحيب فضاها
وجريت لي مع هجعة الناس موال
حتى ضلوعي جاوبت في صداها
كله لعين اللي طرالي على البال
اللي تمكن وسط جوفي هواها
عندي غلاها من قديم ولا زال
من يوم عهدقلوبنا في صباها
والكل يعرف ياعرب حب الأطفال
يمكن يموت وينتهي مانساها
لو بيننا حالت مسافات وأميال
قل التلاقي ماينقص غلاها
مابيننا غير القصايد والامثال
هي شمسها هي فيها هي ضياها
الطيف يكفيني والابيات مرسال
واللي كتبته من قصايد فداها
مصيونةٍ عن كل شامت وعذال
عن كل هذا عاليٍ مستواها
للود نبراسٍ وللزين مدهال
بين البشر محدٍ ينافس حلاها
ياأجمل الزينات ياسمح الاقبال
ياشمس عمري يابقايا عطاها
الشاعر فهد سويلم النصافي