- التفاصيل الصغيرة -
 

- التفاصيل الصغيرة -

ازعل عليك احيان
وأزعل على نفسي قبل ماأزعل عليك

وأرضى عليك احيان
وأرضى على الدنيا وانا راضي عليك

وأنت عمرك
مازعلت .. وماعتبت ... ومارضيت

أزعل علي لو كذب
أعتب علي لو كذب

هذي التفاصيل الصغيره
اللي تخلينا نحب

ماأحب انا ازعل عليك
ازعل انا لأني احب

***

ياأدفي من حروف الشعر
ياأرق من حلم السنين

إذا تركتك تنتظر
حسسني إن انتا حزين

مابي تقول مسامحك
قل : ماأبيك

وإذا رجعت اصافحك
أبعد يديك

أنا انجرح قبل اجرحك
وأبكي عليك

لكن أبي مره تحس
وشلون أنا أمووت فيك

هي التفاصيل الصغيره
اللي تخلينا نحب

ماأحب أنا أقسى عليك
أقسى أنا لأني أحب

***

أدري فيك تموت فيني
وأنا ميت من برودك

لي متى وانتا تبيني
وماتحسسني بوجودك

ايه ... حسسني بوجودك

لمّ صوتي
بعثر حكاية سكوتي

لاتخلي الحب يفقد همسك العذب ويمووت
قل احبك ..
قل احبك بأعلى صوت

انا مليت السكوت


***

ياإبتسامة قلبي ولهفة حنينه
ياشقاه وياحنانه

يابعد كل المسافات الحزينه
معك امانه

الدروب اللي مشينا .. لاتضيع وتغترب

بالتفاصيل الصغيره
نقدر نعيش ونحب


فهد المساعد

رد: - التفاصيل الصغيرة -
 

رد: - التفاصيل الصغيرة -
 

احساس الحب مهما خالطه العذاب يضل للذه روعه به،،
كلمات جميله راقت لي حقاً،،

عوافي تركي على الاختيار الذوق ربي يعطيك الف عاافيهــ،،

رد: - التفاصيل الصغيرة -
 

وسام العبسى

ملامح

نورتو موضوعي يعطيكم العافيه حبايي

رد: - التفاصيل الصغيرة -
 

أدري فيك تموت فيني
وأنا ميت من برودك

لي متى وانتا تبيني
وماتحسسني بوجودك

ايه ... حسسني بوجودك



شعور يفوووق الوصف بروعته

أُسطر إعجااابي بذائقتك المميزه

في انتظااار جديدك

مع أرق التحااايا

رد: - التفاصيل الصغيرة -
 

يسلمك ربي شموسه

مشكوره نورتي صفحتي ياعسل

رد: - التفاصيل الصغيرة -