|
لا و الله الا هب برد الطويلين
[poem=font="traditional arabic,6,black,bold,normal" bkcolor="transparent" bkimage="backgrounds/33.gif" border="groove,10,burlywood" type=0 line=0 align=center use=ex num="0,black""]
لا و الله الا هب برد الطويلين=و استلحق البردان باقي لحافه و كمّل حساب البعد بين الحبيبين=اللي على عهد الغرام و عفافه دارت ليال الشبط من حين لا حين=و اللي جرى له شي بالعين شافه و بدورة الأيام بعض العناوين=اللي على العشاق فيها كلافة دون الحبيب المنتحي حال حولين=ما فيهن الا البهذلة و الكسافة ماجور قلب ٍلاعه الهم و البين=يوم الفراق المر و البعد لافه من فارق الخلان ضايع و مسكين=يروف به من لا بقلبه صخافة يضحك عليه الجاهلين البليدين=و ضحك ٍ على جرح المشاعر لقافة أهل الملام من المشاعر خليين=بعيونهم طرد الهوى شي تافه ما ساهروا ليل ٍ عن حساب ليلين=و لا منهم اللي جو الأحزان حافه حاولت اعيش الوقت مع ناس سالين=و امدّ للنسيان طول المسافة و اثر الهوى يفضح عيون المحبين=و يبين للي ما غواه اكتشافه وين السعادة و الفرح و الطرب وين ؟=و وين الزمان اللي عليه الحسافة ؟ أقفت سنينه و أقبلت عقبه سنين=و عشنا زمان ٍ واضح ٍ باختلافه انشد و اصوت ما لصوتي مجيبين=من حظي الأقشر و زود الصلافة الجيم غاب و ضيق الخاطر السين=عن ذكريات الود قبل انحرافه متى يعود الوصل من بين الاثنين ؟=اما مراسل خط و الا مشافه و الا تفوز العين بمشاهد العين=و تروي عطش قلب ٍ لعب به جفافه الزبدة اني فاقد ٍ ناس غالين=و اني صبرت و قلبي الصبر عافه !! [/poem] كلمات / معيبد الرشيدي . |
رد: لا و الله الا هب برد الطويلين
صح السانك وبيض الله وجهك على القصيده الرايعه
|
رد: لا و الله الا هب برد الطويلين
صح السانوك ابوشعبان قصيده تستحق ان ارجع اقراها مره ثانيه بس بعد مايخف الضغط
رفع ضغطي ذيبان منزل قصيده مرتين بعنوان مختلف واتوقع لو ادور بالمنتدى القاها مره ثالثه ابس الله يستر مدري وش عنوانها |
رد: لا و الله الا هب برد الطويلين
البحر الهادي صح بدنك و أشكرك على مرورك العطر . تحياتي . :oo5o.com (25): |
رد: لا و الله الا هب برد الطويلين
بدوي زاحف صح بدنك و أشكرك على المرور و ان كان فيه بعض التجاوزات التي ليس هذا محلها :oo5o.com (21): تحياتي . :oo5o.com (25): |
رد: لا و الله الا هب برد الطويلين
و اثــر الـهــوى يـفـضـح عـيــون المحـبـيـن ==و يــبــيــن لـــلــــي مـــــــا غـــــــواه اكـتــشــافــه الشاعر معيبد شعبان صح السانك وعلا شانك على هذا الابيات |
رد: لا و الله الا هب برد الطويلين
اقتباس:
صح السانك وعلى شانك قصيده وافيه ومترابطة وأعجبني ماقتبسته برغم أعجابي بكامل القصيده وننتظر كل جديد لك وتقبل خالص الود والتقدير |
| الساعة الآن 07:59 PM |
Powered by vBulletin® Copyright ©2000 - 2025, Jelsoft Enterprises Ltd. Supported By Noc-Host