منتديات قبيلة المهيمزات الرسمي - محاورة أحمد الشامري ومصفي المرح في شبكة عبس

منتديات قبيلة المهيمزات الرسمي (http://www.almohemzat-abs.com/vb/index.php)

- ◄ منتدى المحاورات المنقولة► (http://www.almohemzat-abs.com/vb/forumdisplay.php?f=172)

- - محاورة أحمد الشامري ومصفي المرح في شبكة عبس (http://www.almohemzat-abs.com/vb/showthread.php?t=19527)

محاورة أحمد الشامري ومصفي المرح في شبكة عبس

احمد الشامري
يـا سلامـي علـى قـومٍ تحـب الـسـلام=سـنــةٍ يـاقــف الـمـاجـوب مـــن دونـهــا
قالوا إن الوفاء في عبس طبع الكرام=قـلــت أسـلــم وجـمـرتـكـم بغلـيـونـهـا

مصفي المرح
يـاهـلا مرحبـابـك وانتـبـه لـنـظـام=سنـة المصطفـى مايختلـف لونهـا
كان مانت متاكد زد عليها حشـام=واشعل النار حتى ايبح مكنونها

احمد
إن غزتنا بني مخزوم تلقـى خـزام=وإن تعزوت بربعي تبشر بعونهـا
البلاء لو تعزوى عبـس بعيـال يـام=والمرض في قلوب الناس وعيونها

مصفي
ياحمد الشامري في شرق والا بشـام=ربـعــتــك مـاكـفـيـنـا مـــــد مـاعـونـهــا
انــت خـلـك قـريــب ولاتـعــدا الـحــزام=وش تبا بيام خل الناس في شوونها

احمد
يا سلام يا سلام
التـطـاول مـحـرم والتـجـاهـل حـــرام=وبعضـكـم هالطبـايـع مــا يخلـونـهـا
فيكم أشياء تمام وشيء ما هو تمام=تجـحـدون الحـقـوق ولا تصونونـهـا

مصفي
انـت هلحيـن يومـنـك تـلـوك الـكـلام=وش وصايفك صاحيها ومجنونهـا
سامطه من خلقها الله وهي كل عام=المصـايـب بـهـا والـنـاس يجفونـهـا

احمد
سلموا لي على العمدة كثير السلام=قولـوا الشامـري يهـديـك مضمونـهـا
وإن حصل للقصيبي من جنابه ملام=لعنبـوا شجـرةٍ مــا تظـلـل غصونـهـا

مصفي
سلموله على العمده غشاه الظـلام=ان كسر عظم ساقه قبـل لايصونهـا
انت عيبك تغنـي وانـت مالـك مـرام=خانتك كلمتك من ضعف مضمونها