|
تنسيق محاورة ابن مدعث وحجاج المهيمزي
ابن مدعث يا حجاج مد الشوف واربع يا حجاج=ترى لك سنة بين الغنم والحظيـره تقاسمت مع بلقيسك العرش والتاج=ظليمـه كبيـرة للعقـول الكبيـره حجاج المهيمزي يابن مدعث العله لقينالها عـلاج=انا اللي عبر جال البحوور الغزيره وجودي مسبب لك بهاذيل وازعاج=وبالقيس يعرف بالفعول الشهيره ابن مدعث تقوله وانا ماني مسبب لك احراج=بقديك يا عين الرفيـق الضريـره ترى لو بنوا لك في هذاريهم ابراج=مردك بعين الشعر حبـة شعيـره حجاج المهيمزي لقيناك في دارك بلا نار وسراج=وشهدت عليك اهل العيون البصيره محمد ومن مثله على السوق ماداج=ولو حط له دكان ماراح ديره ابن مدعث دخلت بـبحر ما منه فكـه ومخـراج=وطارت عيونك في عيون العشيـره ابا اترك فوق الصاج وا اشب بالصاج=وكلن يحكَـم يـا جماعـة ضميـره حجاج المهيمزي ياتيما ترى ماينفعك غير هـداج=حقيقه تعد من الوجيه السفيـره هبوب الرياح تهب وتثور الامواج=وكلٍ على هرجه يحـدد مصيـره ابن مدعث تهب الهبوب ولا على بيتـك سيـاج=ترى صدور بعض الناس ما هي ستيره انا ودي امشي معك واسهجك مسهاج=لكني اخـاف تشـب معـك الظفيـره حجاج المهيمزي انا مثل ضلع ابان لو غيري انعاج=واعشق الدروب المشقيات العسيره تبى الصدق للتوجيه والعرف تحتاج=وتحتاج خبره مـن يديـنٍ خبيـره ابن مدعث تعشق الدروب بدون مبـدا ومنهـاج=ورماك الولي بدروب نـاس خطيـره ياحجاج ما اخذك من يدك وانت محتاج=عسـا الله يعينـك ياليديـن الفقيـره حجاج المهيمزي تقوله بعد ماقطعت فيك الامشـاج=انا سيرتي غطت على كل سيره تراك بمجال الشعر كالضايع الداج=ولاكـن دور واحـدٍ تستشيـره ابن مدعث يـا دواج مانـي بالطـواريـق دواج=رح اضحك على عقول سواتك صغيره ضميري من علومك لا هالحين ماهاج=ولو هاج ما قـدرت جسمـك تديـره اتمنى ان تناال اعجااابكم |
رد: تنسيق محاورة ابن مدعث وحجاج المهيمزي
ما فيه شك انها نالت على إعجابنا تسلم يا حجاج على التنسيق لا هنت . |
رد: تنسيق محاورة ابن مدعث وحجاج المهيمزي
طااارووووووق رااائع وتقدير للشعاااره واكراام لهم لابد ان احلله لانه يحتااج توضيح للجمااهير
|
رد: تنسيق محاورة ابن مدعث وحجاج المهيمزي
صحت السنتكم والله يعافيك ياحجاج على التنسيق ولا هتمام
|
| الساعة الآن 11:27 AM |
Powered by vBulletin® Copyright ©2000 - 2025, Jelsoft Enterprises Ltd. Supported By Noc-Host