منتديات قبيلة المهيمزات الرسمي - الحب شايب : والفراق .. ابنـه العـاق !

منتديات قبيلة المهيمزات الرسمي (http://www.almohemzat-abs.com/vb/index.php)

- ◄ منتدى عيون الشــعر ► (http://www.almohemzat-abs.com/vb/forumdisplay.php?f=35)

- - الحب شايب : والفراق .. ابنـه العـاق ! (http://www.almohemzat-abs.com/vb/showthread.php?t=21623)

الحب شايب : والفراق .. ابنـه العـاق !

الحب شايب : والفراق .. ابنـه العـاق !
والـوصل غايه والقصـايد ، وسيـلة
أثر المفـارق لـه علاقه بالاخـلاق !
ويقصـر طويله صـدر راعي الـطويلـة
مافيـه أشـّر من الهـواوي ليا ضـاق
من ضيقـته حتى البـزر ، يشتكي لـه
ياللي غضبت .. وكانت حلـولك .. فراق !
الغيـض ولعـه ، والمجـادل فتيـلة
أبليـس للفتـنه .. وللشـر سبـّاق
يجيـك في صورة .. رذيل و رذيلـة
العيـن ، ما يغـدي بهاا كل برااق
والاذن ، ماكل الحـكي .. ترتخيلـه
راعي الكلام / يـزود الطاق ب الطـاق
يحكي بشخص ، وياصله ويحكي له
خص ٍ ليـا ، صار الحكي بين عشـاق
مـاله سـوا : مالـك دخـل والفشيـله
لـو شفت وش قيمـة غرامـك بالاعمـاق
ماطـعت لـو لامـوك فيني قبيـلـة
مـاهو تضـّيق صدرك ، وتركز السـاق
كـني ، كفـرت وقاتلن . لي قتيلـه
ياللي خـدودك .. قطنه .. وعودك دقـاق
والـوجه يا حلـوه وياحبـني له
عليـك ماضني بتحتـار الاذواق
الا ليـا كانه هبيـل وهبيلـه
صغير وتشيـل حملٍ ، ما ينـطاق
وشـلون عافرت الحمـول الثقيـلة
وأنا احسبنـك طيـّب وقلبـك رقـاق
يامـدّرس ، فنـون القسـاوه لـ جيله
رح والشقـا ، على الهـواجس والاوراق
ياللي عقب فرقـاه شوقـه بديلـة
أشتـاق وأدري ، منت راجـع لـو اشتـاق
ميـر العـوض بالذكريـات الجميـلة