منتديات قبيلة المهيمزات الرسمي

منتديات قبيلة المهيمزات الرسمي (http://www.almohemzat-abs.com/vb/index.php)
-   ◄ منتدى عيون الشــعر ► (http://www.almohemzat-abs.com/vb/forumdisplay.php?f=35)
-   -   هـذي حيـاتـك وآنـت حـر بحيـاتــك . لشاعر ثامر شبيب (http://www.almohemzat-abs.com/vb/showthread.php?t=223)

ابــن نــقــاء 26-Jun-2008 03:13 AM

هـذي حيـاتـك وآنـت حـر بحيـاتــك . لشاعر ثامر شبيب
 
قصيدة جميلـه لهـا معنـاهـا الكبيـر بعـض الاوقـات الدنيـا تحـدد مصيـرنـا رغمآ عنـآ حينمـا يفتـرقـون الاحبـه اتـركـم مـع حـديقـه مليئـه بـالـزهـور ....

لحظه قبل لا تطلب البعد وتغيب
وتنهي معايه مرحله من حياتك

أخذ الهدايا والصور والمكاتيب
دامي خسرتك ما أبي ذكرياتك

يمكن يكون فراقنا رأيٍ مصيب
خيره .. كتبها الله جتني وجاتك

مع اني ادري انت ماعنك تجنيب
كنك موصيني وقاضب وصاتك

رح واترك بقلبي لك أربع معازيب
معزتك طاريك حبك غلاتك

وإن شفتني أجمع شتاتي .. ماهو عيب
باكر مع الأيام تجمع شتاتك

وإن شفتني شايل جروحٍ معاطيب
باكر يصير الجرح أبرز صفاتك

أكبر مصيبه في زمان العذاريب
إنّي أحبك وأنت حبك لذاتك

الطيب لو إنك تجازيه بالطيب
ماكان تالي الوقت هذي سواتك

يا صاحبي لا صرت أغلا الأصاحيب
لا تزعل بكيفك وتطلب رضاتك

أنا حبيبك مبعد الشوح مانيب
من ضيّع جهاته .. يدور جهاتك

إن كان ماعديت روس المراقيب
ماني كفو أصلاً أنام في عباتك

شفني مقدر عند عكف الأشانيب
مانيب من تومي عليه بعصاتك

رح للفراق إللي تركنا مصاويب
شمّت اعداتي قبل تشمّت أعداتك

الله معك .. رح وين ماودك تغيب
هذي حياتك .. وأنت حر بحياتك

لشـاعـر ثـامـر شبيـب

فلاح المهيمزي 02-Nov-2008 01:12 AM

صح الله لسان الشااعر
ثامر شبيب
وسلم الله الانامل الناقله
قصيده في من الابداع نصيب الاسد
سيدي بن نقاااء
سلمت على الاختيار
والنقل الرائع
والذوق الرفيع
لك ارق تحيه سيدي
غ ش اااا م

ابــن نــقــاء 02-Nov-2008 11:03 PM

اقتباس:

المشاركة الأصلية كتبت بواسطة غـشـاااامـ (المشاركة 2001)
صح الله لسان الشااعر
ثامر شبيب
وسلم الله الانامل الناقله
قصيده في من الابداع نصيب الاسد
سيدي بن نقاااء
سلمت على الاختيار
والنقل الرائع
والذوق الرفيع
لك ارق تحيه سيدي
غ ش اااا م

تسلم والله والله يرفع شانك اخوي غشاام ومنور صفحتي يابطل

الـقـنـاص 31-Jul-2009 07:20 PM

صح لسان شاعرها

ولا هنت على روعه النقل بارك الله فيك يالغالي

فهد المعيوفي 02-Feb-2013 03:29 PM

رد: هـذي حيـاتـك وآنـت حـر بحيـاتــك . لشاعر ثامر شبيب
 
صح لسانك ومشكور اخوي. تقبل مروري.. تحياتي للجميع


الساعة الآن 07:04 PM

Powered by vBulletin® Copyright ©2000 - 2025, Jelsoft Enterprises Ltd. Supported By Noc-Host

Ads Management Version 3.0.1 by Saeed Al-Atwi

HêĽм √ 3.1 BY: ! ωαнαм ! © 2010