|
قصه وقصيده
قصة وقصيدة من الزمن الماضي
السلام عليكم ورحمة الله وبركاته واليكم القصة والقصائد في عام 1365هــ كان عباس أمين مدير مالية الدويد جنوب غربي رفحاء عندما كانت الدويد عاصمة الشمال قبل انتقال الدوائر الحكومية للحدود الشمالية عرعر وكانت العنود قريبة من الدويد وتتصف بالجمال الباهر وكان عباس معجبا بها فدخل عليه محمد الخميس ذات يوم وقال له عباس من أين اتيت فقال ذهبت لأرى العنود فقال عباس لا تـجـي بـيـت العـنـود ولاتـمـره والحذر ياللي على عمرك تداري فـر قلبـي يـوم شـاف الزيـن فــره فر طيرن شايفن جـول الحبـاري قلت عطني من ثمانـك بـس مـره قال مايكسى العرا ثوب العواري العنـود سهيـل والبـيـض المـجـره فرقهن فرق الفتيل عن السـواري فأجابه محمد الخميس بالحال لـيـه يــا عـبـاس بيـتـه مــا نـمــره كيف تنحى واحـدن للزيـن سـاري كنت اظن انك صديـق وبـك مبـره مـا دريـت انـك عـدوا لـي مبـاري الـحـيـا لـــو انـتـحــا لازم نــمــره وما قسم الله على المخلوق جـاري العـنـود سهـيـل والبـيـض المـجـره بــس يفرقـهـا الزمـيـم والـخـزاري يـوم لبسـت ثوبهـا الاحـمـر ومــره يا شبيهـت مهرتـن للشيـخ ضـاري مـع ســواد عيونـهـا مـحـلاه غــره مثـل لــون الـبـدر بـايـام الـغـداري كــم قـلـب مـوجـل قـامــت تـجــره عرضتها الجال ودروب الخطاري وعندما اشتهرت الابيات عند الناس غضب محمد الديري العتيبي على عباس لأنه فضل العنود على جميع البنات فقال غاضبا العنـود سهـيـل والبـيـض المـجـره اخس ياعبـاس ماتـدرى المـداري انـت يـا عبـاس غـادي فـي مغـره قلت قولن مانت عن قصياه داري تحسب الدعوى على قانـون حـره وانـت معـك الفيـن ورادن مبـاري يمـكـن انــك ذايـقـن منـهـم مـبــره من طرف لازمك تمدحها جهاري يذكـرون العيـش بهدومـك تصـره يمهـا شافـوك بالبخشيـش ســاري حالفن مـا اتركـك يـا عبـاس مـره لين تابس مثـل دغلـوب الخبـاري مـا ظلمتـك بـس انـا جيتـك بجـره والعـرب بسلومهـا تتلـي الأثـاري فقال عباس امين لمحمد الخميس جاوب عني واعطيك اجازة شهرين تذهب الى اهلك لبقعاء فقال محمد الخميس ردا على محمد الديري تــو مـاهـب الـهـوى والعـيـن قــره واستراح القلب مـن كثـر الهـذاري يـــوم بـــان الـهــرج لـلـفـزاع ذره تــو هــذي بــه يــدور لــه مـبـاري فزعة الديـري مثـل غـزو الصفـره تو يكرب محزمـه عقـب القطـاري يـذكـر انــه موقـفـن بالشـعـر مــره والرخم سلطان في وسط الصباري جنـب الديبـان واتـرك عنـك شــره يـاردي الفـود وش لـك بالخطـاري لو تحصـل مثلهـا مـا صمـت غـره كـان تـسـري بالـظـلام وبالقـمـاري |
رد: قصه وقصيده
الله الله قصة وقصيدة اكثر من رااائعه
تغريد المهيمزيه الف شكر لكِ دمتي بخير |
رد: قصه وقصيده
قصه جميله
ولابيات ابينهم او ارديه فوق الخيال |
رد: قصه وقصيده
شكرالك على الطرح
|
| الساعة الآن 06:39 PM |
Powered by vBulletin® Copyright ©2000 - 2024, Jelsoft Enterprises Ltd. Supported By Noc-Host